ÏOANNIS 7:35 - Khasi CL Bible (BSI)

³⁵ Ki nongsynshar jong ki Jiw ki la ïakren para ma ki, “Shano ba un sa leit ba ngi ngin ym shem ïa u? Hato un leit sha ki shnong jong ki Grik ha kaba ki briew jong ngi ki sah, bad ban hikai ïa ki Grik?

KA BAIBL

³⁵ Namar kata, kita ki Jiw ki la ïa-ong paralok hi, “Shano une un sa leit, ba ngi ngin ym shem shuh ïa u? un sa leit sha kata ka jingwir hapdeng ki Grik, ïa ka ban hikai ruh ïa kita ki Grik?

ÏOANNIS 7:35 ပူးပေါင်းရင်းမြစ်များ

SALM 147:2

U Trai u tei pat ïa ka Jerusalem; u wallam pat ïa kiba la shah ringmraw.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 56:8

U Trai Nongsynshar, uba la wallam pat ïa ki paid Israel sha ïing na ka ri ka jinglongmraw, u la kular ba un sa wallam ïa kiwei pat ki briew ban ïasoh lang bad ki.

SEPHANAÏAH 3:10

Wat na ka Sudan kaba sha jngai, ki briew jong nga kiba la sakma kin wallam ki jingainguh sha nga.

MATHAÏOS 12:21

bad ha u ki briew baroh kin buh ïa ka jingkyrmen jong ki.”

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 12:20

Katto katne ngut ki Grik hapdeng jong kito kiba la leit sha Jerusalem ban mane ha ka por jong ka Jingkhawai Niam.

ÏOANNIS 7:1

Hadien kane, U Jisu u la nang ïaid ha ka Galilaïa; um shym kwah ban leit sha Judia, namar ba ki nongsynshar jong ki Jiw hangta ki la ïakwah ban pynïap ïa u.

ÏOANNIS 8:22

Kumta ki nongsynshar jong ki Jiw ki la ong, “U ong ba ngim lah ban leit shano sha ba un leit. Hato kane ka mut ba un pynïap ïa lade?”

KI KAM 11:18

Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”

KI KAM 11:20

Hynrei kiwei pat ki parabangeit, kiba na Sypros bad Kyrini, ki la leit sha Antiokh bad ki la pynbna ïa ka khubor ha ki Jentil ruh, da kaba ïathuh ha ki ïa ka Khubor Babha shaphang U Trai Jisu.

KI KAM 14:1

Kajuh ka la jia ha Ikoniom: U Paul bad u Barnabas ki la leit sha ka synagog bad ki la kren ha kata ka rukom ba kiba bun ki Jiw bad ki Jentil ki la kylla long ki riewngeit.

KI KAM 17:4

Katto katne ngut na ki, ki la sngewïahap bad ki la ïasoh bad u Paul bad u Silas; kumta ruh ka la long ïa kiba bun ki kynthei kiba pawkhmat bad ka kynhun bah jong ki Grik kiba la mane ïa U Blei.

KI KAM 18:4

U la ïaphylliew jingmut hapoh synagog man la ka sngi Sabbaton, da kaba pyrshang ban pynkohnguh ïa ki Jiw bad ki Grik.

KI KAM 21:21

La ïathuh ha ki, ba me la hikai ïa ki Jiw baroh kiba shong basah ha ki ri jong ki Jentil ban iehnoh ïa ka Hukum u Moses, da kaba ong ïa ki ban ym otsher ïa ki khun jong ki lane bud ïa ki dustur jong ki Jiw.

KI KAM 22:21

‘Khie leit,’ U Trai u la ong ha nga, ‘naba ngan phah ïa me sha jngai sha ki Jentil.’ ”

Ka Shithi U Paul Sha Ki Nong Rom 1:16

Nga don ka jingngeit baskhem ha ka Gospel; ka long ka bor U Blei ban pynim ïa baroh kiba ngeit, nyngkong ïa ki Jiw bad ïa ki Jentil ruh.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

2 TIMOTHI 1:11

U Blei u la thung ïa nga kum u apostol bad u nonghikai ban pynbna ïa ka Khubor Babha, bad dei na kane ka daw ba nga shahshitom ïa kine kiei kiei.

JAKOB 1:1

Na u Jakob, u shakri jong U Blei bad U Jisu Khrist uba U Trai: Ka jingai khublei ïa baroh ki briew jong U Blei ba la pynsakma sha kylleng ka pyrthei.

1 PETROS 1:1

Na u Petros, u Apostol U Jisu Khrist — Sha ki briew ba la jied jong U Blei kiba im kum ki nongphetwir kiba la pynsakma kylleng ki probins jong ka Pontos, ka Galatia, ka Kappadokia, ka Asia bad ka Bithynia.