ÏOANNIS 7:30 - Khasi CL Bible (BSI)

³⁰ Te ki la pyrshang ban kem ïa u, hynrei ym don uba la ktah kti ïa u, namar ba ka kynta jong u kam pat poi.

KA BAIBL

³⁰ Namar kata, ki la ïawad ban kem ïa u; te ym don ba la buh ïa la ka kti ha u, naba ka por jong u kam pat la jia.

ÏOANNIS 7:30 ပူးပေါင်းရင်းမြစ်များ

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

ISAÏAH 46:10

Naduh mynnyngkong nga la tip lypa ïa kaei ka ban mih; la slem bah nga la ïathuh lypa ïa kaei ka ban jia. Nga la ong ba ki jingthmu jong nga kin ym duh da lei lei, ngan leh ïa kiei kiei baroh kiba nga thmu ban leh.

MATHAÏOS 12:14

Nangta ki Pharisi ki la mihnoh bad ki la pynlong ki jingthmu ban pynïap ïa U Jisu.

MATHAÏOS 21:46

kumta ki la pyrshang ban kem ïa u. Hynrei ki la sngewsheptieng ïa u paidbah, uba la ñiew ba U Jisu u dei u nongïathuhlypa.

MARKOS 11:18

Ki rangbah lyngdoh bad ki nonghikai ka Hukum ki la ïohsngew ïa kane, kumta ki la sdang ban ïawad da kano ka lad ban pynïap noh ïa U Jisu. Ki la sheptieng ïa u, namar uta u paidbah baroh u la sngewphylla ïa ka jinghikai jong u.

LOUKAS 20:19

Ki nonghikai ka Hukum bad ki rangbah lyngdoh ki la pyrshang ban kem ïa U Jisu hangta hi, namar ki la tip ba u la ïathuh ïa kane ka pharshi pyrshah ïa ki; hynrei ki la ïasheptieng ïa ki paidbah.

LOUKAS 22:53

Nga la don bad phi ha ka Templ man ka sngi, bad phim shym la pyrshang ban kem ïa nga. Hynrei kane ka dei ka kynta jong phi ban leh, haba ka bor jong ka jingdum ka synshar.”

ÏOANNIS 10:31

Te ki briew ki la khar ïa ki maw ban lynthem ïa u.

ÏOANNIS 10:39

Sa shisien ki la pyrshang ban kem ïa U Jisu, hynrei u la lait noh na ki kti jong ki.

ÏOANNIS 11:57

Ki rangbah lyngdoh bad ki Pharisi ki la ai ïa ka hukum ba lada uno uno u tip hangno ba U Jisu u don, u dei ban wanrah khubor, khnang ba kin ïohkem ïa u.

ÏOANNIS 7:19

U Moses u la ai ha phi ïa ka Hukum, hato ym dei kumta? Hynrei ym don uwei na phi uba kohnguh ïa ka Hukum. Balei ba phi pyrshang ban pynïap ïa nga?”

ÏOANNIS 7:32

Ki Pharisi ki la ïohsngew ba u paidbah u ïa-pasiaw ïa kine kiei kiei shaphang U Jisu, kumta ma ki bad ki rangbah lyngdoh ki la phah katto katne ngut ki nongap phira ban kem ïa u.

ÏOANNIS 7:6

U Jisu u la ong ha ki, “Ka por kaba biang na ka bynta jong nga kam pat poi. Kano kano ka por na ka bynta ïa phi ka biang.

ÏOANNIS 7:8

Ma phi to nang ïaleit sha ka Jingkhawai Niam. Nga ngam leit sha kane ka Jingkhawai Niam, namar ba ka por kaba biang kam pat poi na ka bynta jong nga.”

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.

ÏOANNIS 8:37

Nga tip ba phi long kiba hiarpateng na u Abraham. Pynban phi pyrshang ban pynïap ïa nga, namar ba phin ym pdiang ïa ka jinghikai jong nga.

ÏOANNIS 8:59

Nangta ki la ïa-khar ïa ki maw ban lynthem ïa u, hynrei U Jisu u la buhrieh ïa lade bad u la mihnoh na ka Templ.

ÏOANNIS 9:4

Katba ka dang don ka sngi, ngi dei ban trei ïa ka kam jong uta uba la phah ïa nga; ka miet ka wan haba ym don uba lah ban trei.