ÏOANNIS 7:28 - Khasi CL Bible (BSI)

²⁸ Katba U Jisu u dang hikai ha ka Templ, u la kren ha ka sur kaba jam, “Hato phi ithuh da shisha ïa nga bad tip nangno nga wan? Ngam shym la wan da ka bor jong nga hi. Uta uba la phah ïa nga, pynban, u long uba shisha.

KA BAIBL

²⁸ Namar kata, U Jisu u la pyrta haba u dang hikai ha kata ka templ, u ong ruh, “Phi ithuh te ïa nga? bad phi tip ruh nangno nga long? ngam shym la wan te na lade hi, hynrei, u long uba shisha uta uba la phah ïa nga, ïa uba phi phim ithuh.

ÏOANNIS 7:28 ပူးပေါင်းရင်းမြစ်များ

SALM 9:10

Kito kiba ithuh ïa me, A Trai, kin shaniah ha me, mem ju iehnoh ïano ïano ba wan sha me.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 5:4

Ka jingsniew ba ki briew ki la leh, ka khanglad ïa ki ban wan phai sha U Blei jong ki. Ka jingmane bleithaw ka don ka jingbat bakhlaiñ ïa ki bad kim pdiang ïa U Trai.

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 2:23

bad u la shong la sah noh ha ka shnong kaba kyrteng ka Nasareth. Bad kumta kaei kaba ki nongïathuhlypa ki la lah ong ka la urlong shisha: “Yn khot ïa u, u nong Nasareth.”

MATHAÏOS 26:55

Nangta U Jisu u la kren ha u paidbah, “Hato phi donkam ban wan bad ki waitlam bad ki dieng tangon ban kem ïa nga, la kumba nga dei u riewsniew? Man la ka sngi nga la shong bad hikai hapoh ka Templ, bad phim shym la kem ïa nga.

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 2:39

Haba U Joseph bad ka Mari ki la pyndep ïa kiei kiei baroh kiba la dawa da ka aiñ jong U Trai, ki la leit phai pat sha Nasareth, ka shnong jong ki kaba ha Galilaïa.

LOUKAS 2:4

U Joseph ruh u la leit na ka shnong Nasareth, kaba ha Galilaïa sha ka shnong Bethlehem ha Judia, ka jaka ha kaba la kha ïa syiem Dabid. U Joseph u la leit shata namar u la long uba hiarpateng na u Dabid.

LOUKAS 2:51

Kumta U Jisu u la leit phai pat bad ki sha Nasareth, ha kaba u la kohnguh ïa ki. Ka kmie jong u ka la kynshew ïa kine kiei kiei baroh hapoh la ka dohnud.

ÏOANNIS 1:46

“Hato kano kano kaba bha ka lah ban mih na Nasareth?” U Nathanael u la kylli. “To wan bad khmih,” la jubab u Philip.

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

ÏOANNIS 12:49

Kane ka long kaba shisha, namar ngam shym la kren ha ka bor jong nga hi; hynrei U Kpa uba la phah ïa nga u la hukum ïa nga ïa kaei kaba nga dei ban ong bad kren.

ÏOANNIS 14:10

Hato mem ngeit, ko Philip, ba nga long ha U Kpa bad U Kpa u long ha nga? Ki ktien kiba nga la kren ha phi,” U Jisu u la ong ha la ki synran, “kim shym la wan na nga hi. U Kpa, uba ïaisah bad nga, u trei la ka jong ka kam.

ÏOANNIS 16:3

Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 3:33

Hynrei uno uno uba pdiang ïa ka khubor jong u, u pynskhem da kane ba U Blei u long uba shisha.

ÏOANNIS 5:32

Hynrei don uwei pat uba phla na ka bynta jong nga, bad nga tip ba ïa kaei kaba u ong shaphang jong nga ka long kaba shisha.

ÏOANNIS 5:43

Nga la wan da ka iktiar U Kpa jong nga; hynrei phim shym la pdiang ïa nga; pynban, haba don uno uno uba wan ha la ka jong ka iktiar, phin pdiang ïa u.

ÏOANNIS 6:42

Kumta ki la ong, “Hato une u briew um dei U Jisu, u khun jong u Joseph? Ngi ithuh ïa u kpa bad ïa ka kmie jong u. Kumno te, ba u ong mynta ba u la wan hiar na bneng?”

ÏOANNIS 7:14

Hamar kaba shiteng na ka Jingkhawai Niam ka la jan kut U Jisu u la leit sha ka Templ bad u la sdang ban hikai.

ÏOANNIS 8:14

“Em” U Jisu u la jubab, “wat la nga phla da lade na ka bynta ïa lade, kaei kaba nga ong ka long kaba shisha, namar nga tip nangno ba nga la wan bad shano ba ngan leit. Phim tip nangno nga la wan ne shano ba ngan sa leit.

ÏOANNIS 8:16

Hynrei lada nga dei ban leh kumta, ka jingbishar jong nga kan long kaba shisha, namar ngam long marwei ha kane; U Kpa uba la phah ïa nga u long bad nga.

ÏOANNIS 8:19

“Shaei uta U Kpa jong me?” ki la kylli ïa u. “Phim ithuh ïa nga lymne ïa U Kpa jong nga,” U Jisu u la jubab. “Lada phi la ithuh ïa nga, phin jin da la ithuh ïa U Kpa jong nga ruh.”

ÏOANNIS 8:26

Nga don shibun ban ong shaphang jong phi, shibun ban ïoh pynrem ïa phi. Uta uba la phah ïa nga, pynban, u long uba shisha, bad nga ïathuh ïa ka pyrthei tang ïa kaei kaba nga la ïohsngew na u.”

ÏOANNIS 8:42

U Jisu u la ong ha ki, “Lada U Blei shisha u dei U Kpa jong phi, phin da la ieit ïa nga, namar nga la wan na U Blei bad mynta nga don hangne. Ngam shym la wan ha la ka jong ka bor hi, hynrei u la phah ïa nga.

ÏOANNIS 9:29

Ngi tip ba U Blei u la kren ha u Moses; katba ïa une u briew, te, ngim tip wat nangno u wan!”

KI KAM 17:23

Naba katba nga dang ïaid lyngba ka nongbah jong phi bad khmih ïa ki jaka ha kiba phi mane, nga la lap ïa ka duwan ha kaba la thoh, ‘Ha U Blei uba ngim tip.’ Te ïa uta ïa uba phi mane, wat haba phim tip ïa u, ïa une keiñ nga pynbna mynta ha phi.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 3:4

Kan ym long kumta! U Blei un long uba shisha, wat la uwei pa uwei u briew u long uba shukor. Kumba ka Jingthoh Bakhuid ka ong, “Ba yn lah ban pyn-i ïa phi ba phi long kiba shisha haba phi kren; phi dei ban jop ïa ka jingïaleh haba la bishar ïa phi.”

2 KORINTH 1:18

Kat kumba U Blei u kren ïa ka jingshisha, ka jingkular jong nga ïa phi kam long kaba “Ho-oid” bad kaba “Em.”

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 ÏOANNIS 5:10

Kumta uno uno uba ngeit ha U Khun U Blei u don ïa kane ka jingphla ha ka dohnud jong u hi; hynrei uno uno u bymngeit ha U Blei, la pynlong ïa u, uba lamler, namar um shym la ngeit ïa kaei kaba U Blei u la ong shaphang U Khun jong u.

1 SAMUEL 2:12

Ki khun shynrang u Eli ki dei ki riewbymman. Kim ju shahshkor ïa U Trai