ÏOANNIS 7:27 - Khasi CL Bible (BSI)

²⁷ Hynrei haba U Messaïah un wan, ym don ba tip na-ei ba u wan. Bad baroh ngi tip nangno une u briew u wan.”

KA BAIBL

²⁷ Hynrei, ïa une ngi ïa-ithuh nangno u long; hynrei, ynda un wan uta U Khrist, ym don ba tip nangno u long.”

ÏOANNIS 7:27 ပူးပေါင်းရင်းမြစ်များ

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 53:8

La kem ïa u bad la bishar bad ïalam noh ban shah pynïap, bad ym don ba salia ïa kaei ka ban jia ïa u. La pynïap ïa u na ka bynta ki pop jong ki briew jong ngi.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 30:21

U nongsynshar jong ki un wan na ka jaitbynriew jong ki hi, u khun syiem jong ki napdeng ki briew jong ki hi. Un wan sha nga haba nga khot sngewbha ïa u, namar uei uba nud ban wan khlem shah khot sngewbha? Kin long ki briew jong nga, bad ngan long U Blei jong ki. Ma nga, U Trai, nga la kren.”

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MARKOS 6:3

Hato um dei uto u misteri, u khun jong ka Mari, bad u hynmen jong u Jakob, u Josis, u Judas bad u Simon? Hato ki para kynthei jong u kim shong kim sah hangne?” Bad kumta ki la kyntait noh ïa u.

LOUKAS 4:22

Baroh ki la sngewhun ïa u bad ki la sngewphylla ha ki kyntien basngewtynnat kiba u la kren. Ki la ong, “Hato une um dei u khun jong u Joseph?”

ÏOANNIS 6:42

Kumta ki la ong, “Hato une u briew um dei U Jisu, u khun jong u Joseph? Ngi ithuh ïa u kpa bad ïa ka kmie jong u. Kumno te, ba u ong mynta ba u la wan hiar na bneng?”

ÏOANNIS 7:15

Ki nongsynshar jong ki Jiw ki la lyngngoh haduh katta katta bad ki la ong, “Kumno une u briew u tip katne katne haba um pat ju ïoh jinghikai ei ei?”

ÏOANNIS 9:29

Ngi tip ba U Blei u la kren ha u Moses; katba ïa une u briew, te, ngim tip wat nangno u wan!”

KI KAM 8:33

La pynjahburom ïa u, bad ym shym la bishar hok ïa u. Ym don mano mano ba lah ban ïathuh shaphang ki khun ki ksiew jong u, namar ba ka jingim jong u ha ka pyrthei ka la kut.”