ÏOANNIS 7:19 - Khasi CL Bible (BSI)

¹⁹ U Moses u la ai ha phi ïa ka Hukum, hato ym dei kumta? Hynrei ym don uwei na phi uba kohnguh ïa ka Hukum. Balei ba phi pyrshang ban pynïap ïa nga?”

KA BAIBL

¹⁹ Hato u Moses um shym la ai ïa ka hukum ha phi? pynban, ym don na phi ba leh ïa kata ka hukum. Balei phi ïawad ban pynïap noh ïa nga?”

ÏOANNIS 7:19 ပူးပေါင်းရင်းမြစ်များ

MATHAÏOS 12:14

Nangta ki Pharisi ki la mihnoh bad ki la pynlong ki jingthmu ban pynïap ïa U Jisu.

MATHAÏOS 21:38

Hynrei haba ki nongshimwai ki la ïohi ïa u khun, ki la ong ha lade, ‘Une u long u khun jong u trai. Ale, to ngin pynïap ïa u, bad ngin ïoh ïa ka jingdon jingem jong u!’

MARKOS 11:18

Ki rangbah lyngdoh bad ki nonghikai ka Hukum ki la ïohsngew ïa kane, kumta ki la sdang ban ïawad da kano ka lad ban pynïap noh ïa U Jisu. Ki la sheptieng ïa u, namar uta u paidbah baroh u la sngewphylla ïa ka jinghikai jong u.

MARKOS 3:4

Nangta u la kylli ïa ki briew, “Kaei kaba ka Hukum jong ngi ka shah ïa ngi ban leh ha ka sngi Sabbaton? Ban ïarap lane ban pynsniew? Ban pynim ïa ka jingim u briew lane ban pynjot ïa ka?” Hynrei kim shym la ong ei ei.

MARKOS 3:6

Kumta ki Pharisi ki la mihnoh na ka synagog bad mar kumta hi ki la ïakynduh bad katto katne ngut ki dkhot ka kynhun u Herod, bad ki la thaw ki jingthmu ban pynïap noh ïa U Jisu.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 10:39

Sa shisien ki la pyrshang ban kem ïa U Jisu, hynrei u la lait noh na ki kti jong ki.

ÏOANNIS 11:53

Naduh kata ka sngi hi ki nongsynshar jong ki Jiw ki la ïasylla ïa ka ban pynïap ïa U Jisu.

ÏOANNIS 5:16

Kumta ki la sdang ban wad dong ban pynshitom ïa U Jisu, namar ba u la leh ïa kane ka jingpynkhiah ha ka sngi Sabbaton.

ÏOANNIS 5:18

Kane ka jingong ka la pynlong ïa ki nongsynshar jong ki Jiw ba kin nang wad dong shuh shuh ban pynïap ïa u; ym tang ba u la pynkheiñ ïa ka hukum Sabbaton, hynrei ba u la ong ba U Blei hi u dei U Kpa jong u bad da kumne u la pynlong ïa lade uba ïaryngkat bad U Blei.

ÏOANNIS 5:45

Pynban, wat pyrkhat ba dei ma nga u ban mudui ïa phi ha U Kpa jong nga. U Moses, ha uba phi la buh ïa la ka jingkyrmen, dei ma u, u ban mudui ïa phi.

ÏOANNIS 7:1

Hadien kane, U Jisu u la nang ïaid ha ka Galilaïa; um shym kwah ban leit sha Judia, namar ba ki nongsynshar jong ki Jiw hangta ki la ïakwah ban pynïap ïa u.

ÏOANNIS 7:25

Katto katne ngut na ki briew jong ka Jerusalem ki la ong, “Hato um dei une u briew ba ki nongsynshar jong ki Jiw ki ïawad ban pynïap?

KI KAM 7:38

U long ma u, uba la ïadon lem bad ki paid Israel haba ki la ïalumlang ha ka ri shyiap; u la don lem hangta bad ki kpa tymmen jong ngi lem bad u angel uba la kren ha u, ha u lum Sinai, bad u la ïohpdiang ïa ka khubor ba-im ka jong U Blei ban ai pateng ha ngi.

GALATIA 3:19

Kaei te, ka jingthmu jong ka Hukum? La bynrap khnang ban pyn-i ïa kaei ba ka long ka jingpalat, bad la thmu ba kan neh haduh ka jingwan uta u nonghiarpateng jong u Abraham, ha uba la pynlong ïa ka jingkular. Ïa ka Hukum la aiti da ki angel, lem bad u briew uba ïeng kum u ksiang.

GALATIA 6:13

Wat kita kiba pdiang ïa ka jingotsher kim shym kohnguh ïa ka Hukum; ki kwah ïa phi ban otsher khnang ba ki lah ban kob ba phi la pynkohnguh ha kane ka jinglehniam ha ka doh.

DEUTERONOMI 1:17

Wat ïashah liang ha ki rai jong phi; bishar ïa uwei pa uwei ha kajuh ka nongrim, kam pher la u long uba kumno kumno. Wat sheptieng ïano ïano, naba ki rai kiba phi ai ki wan na U Blei. Lada kano kano ka kam ïakajia ka eh than ïa phi ban rai, wallam ïa ka sha nga, bad ngan rai ïa ka.’

DEUTERONOMI 33:4

Ngi kohnguh ïa ka Aiñ ba u Moses u ai ha ngi, ka spah kordor tam jong ka jaitbynriew jong ngi.