ÏOANNIS 6:70 - Khasi CL Bible (BSI)

⁷⁰ U Jisu u la phai ktien, “Hato ngam shym la jied ïa phi baroh khat-ar ngut? Pynban uwei na phi u long u ksuid!”

KA BAIBL

⁷⁰ U Jisu u la ïathuh ha ki, “Nga ngam shym la jied ïa phi ki khat-ar ngut? Pynban, uwei na phi u long u ksuid.”

ÏOANNIS 6:70 ပူးပေါင်းရင်းမြစ်များ

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 13:2

U Jisu bad la ki synran ki dang ïabam jingbam miet. U Ksuid u la bsuh lypa ha ka dohnud jong u Judas, u khun jong u Simon Iskariot, ka jingpyrkhat ban shetkylla ïa U Jisu.

ÏOANNIS 13:21

Hadien ba U Jisu u la ong ïa kane, u la khuslai jur bad u la pynbna da kaba shai, “Nga ïathuh ha phi ïa ka jingshisha: Uwei na phi un sa shetkylla ïa nga.”

ÏOANNIS 13:27

U Judas tang mar ïashim ïa uta u kpu, u Soitan u la rung hapoh jong u. U Jisu u la ong ha u, “Leh noh kloi ïa kaei kaba men sa leh!”

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 15:19

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.

ÏOANNIS 17:12

Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

ÏOANNIS 2:2

Ka kmie U Jisu ka la don hangta bad ïa U Jisu bad ki synran ruh la khot sngewbha sha ka jingkyntiew kurim.

ÏOANNIS 20:24

Uwei na ki khat-ar ngut ki synran, u Thomas (ba la khot uba Kha Synrap), um shym don bad ki haba U Jisu u la wan.

ÏOANNIS 6:64

Pynban don na phi ki bymngeit.” (U Jisu u la tip naduh kaba mynnyngkong kino ki dei kita ki ban ym ngeit bad uno na ki u ban shetkylla ïa u.)

ÏOANNIS 6:67

Kumta u la kylli ïa ki khat-ar ngut ki synran, “Bad ma phi — hato phi ruh phi kwah ban leit noh?”

ÏOANNIS 6:71

U la kren shaphang u Judas, u khun jong u Simon Iskariot. Naba u Judas, wat la u dei uwei na ki khat-ar ngut ki synran, un sa shetkylla ïa u.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

KI KAM 1:17

U Judas u la long u dkhot jong ka kynhun jong ngi, namar la lah jied ïa u ban ïadon bynta lem ha ka kam jong ngi.”

KI KAM 13:10

“Me u khun jong u Ksuid! Me long u nongshun ïa kaei kaei baroh kaba bha. Me long uba dap da kiba bun jait ki buit bymman, bad me ju ïai pyrshang ban pynphai ïa ki jingshisha jong U Trai sha ki jinglamler!

1 TIMOTHI 3:11

Ki tnga jong ki ruh, ki dei ban don ka jinglong babha bad kim dei ban ïakren lorni; ki dei ban long kiba adkar bad kiba hok ha kiei kiei baroh.

TITOS 2:3

Kumjuh ruh hikai ïa ki kynthei kiba la kham san ba kin im donakor kum ki kynthei kiba dei ban leh, kiba im ka jingim bakhuid. Kim dei ban long kiba kren siar lane kiba kyrni ha ka dih waiñ.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.