ÏOANNIS 6:63 - Khasi CL Bible (BSI)

⁶³ Kaei kaba ai jingim dei U Mynsiem jong U Blei; ka bor briew kam myntoi ei ei ruh em. Ki ktien kiba nga la kren ha phi ki wallam ïa U Mynsiem ba ai jingim jong U Blei.

KA BAIBL

⁶³ Ka long ka mynsiem kaba pynim: ka doh kam pynmyntoi ei ei ruh em. Kita ki ktien kiba nga la kren ha phi, ki long ka mynsiem, bad ki long ka jingim.

ÏOANNIS 6:63 ပူးပေါင်းရင်းမြစ်များ

JENESIS 2:7

Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.

SALM 119:130

Ka jingbatai jong ki jinghikai jong me ka ai jingshai bad ka wallam jingstad ïa ki bymtip ei ei.

SALM 119:50

Wat ha ka jingshitom jong nga, la pyntngen ïa nga namar ka jingkular jong me ka ai jingim ïa nga.

SALM 119:93

Ngan ym leh lyndet ïa ki jingbthah jong me, namar da ki me la ri pynim ïa nga.

PROBERB 4:13

Kynmaw borabor ïa kaei kaba phi la nang. Ka jingnang jingtip jong phi ka dei ka jingim jong phi — ri kyndong ïa ka.

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.

KI KAM 5:20

“Khie leit bad ïeng ha ka Templ, bad ïathuh ha ki briew baroh shaphang kane ka jingim bathymmai.”

Ka Shithi U Paul Sha Ki Nong Rom 10:17

Kumta te, ka jingngeit ka wan lyngba kaba ïohsngew ïa ka khubor, bad ka khubor ka wan lyngba kaba ïalap ïa U Khrist.

Ka Shithi U Paul Sha Ki Nong Rom 2:25

Lada phi kohnguh ïa ka Hukum, ka jingotsher jong phi ka don ka dor; hynrei lada phim kohnguh ïa ka Hukum, kan jin da la bha ba phim shym la shah otsher.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

GALATIA 5:25

U Mynsiem u la ai ha ngi ka jingim, u dei ruh ban synshar ïa ki jingim jong ngi.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

GALATIA 6:15

Kam pher ei ei satia la otsher ne ym shym la otsher, kaei kaba donkam ka long ban long u jingthaw uba thymmai.

DEUTERONOMI 32:47

Kine ki jinghikai kim long ki ktien thylli; ki long ka jingim jong phi hi. Kohnguh ïa ki, te phin sa im slem ha kata ka ri sha shiliang ka Jordan ïa kaba phin sa ïohkynti.”

1 THESSALONI 2:13

Bad don sa kawei pat ka daw balei ba ngi ainguh borabor ïa U Blei. Haba ngi la wallam ha phi ïa ka khubor jong U Blei, phi la ïohsngew bad pdiang ïa ka, ym kum ka khubor na ki briew hynrei kum ka khubor jong U Blei, kaba long shisha kumta. Naba U Blei u trei ha phi kiba ngeit.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

1 PETROS 1:23

Naba lyngba ka ktien ba-im bad ba bymjukut jong U Blei la pynkha pat ïa phi kum ki khun jong uta u bymïap shuh, u bym dei u briew.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,