ÏOANNIS 6:57 - Khasi CL Bible (BSI)

⁵⁷ U Kpa uba im u la phah ïa nga, bad namar jong u nga ruh nga im. Ha kajuh ka rukom uno uno uba bam ïa nga un im namar jong nga.

KA BAIBL

⁵⁷ Kumba U Kpa u ba-im u la phah ïa nga, bad nga ruh nga im da uta U Kpa, kumta, uta uba bam ïa nga, un ïoh im keiñ da nga.

ÏOANNIS 6:57 ပူးပေါင်းရင်းမြစ်များ

SALM 18:46

U Trai u im! To ïaroh ïa u nongïada ïa nga! To pynbna ïa ka jingkhraw jong U Blei uba pynim ïa nga.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 17:21

Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 5:26

Kumba U Kpa da lade hi u long u tyllong jong ka jingim, ha kajuh ka rukom u la pynlong ïa U Khun jong u ban long u tyllong jong ka jingim.

ÏOANNIS 6:29

U Jisu u la jubab, “Kaei kaba U Blei u kwah ïa phi ban leh ka long ban ngeit ha uta ïa uba u la phah.”

1 KORINTH 15:22

Naba kumba ki briew baroh ki ïap namar ka jingïadei jong ki ha u Adam, kumjuh ruh ïa baroh yn pynmihpat namar ka jingïadei jong ki ha U Khrist.

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

2 KORINTH 13:4

Wat la ka la long ha ka jingtlot ba u la shah pynïap halor ka diengphna, dei da ka bor U Blei ba u im. Ha u ngi ruh ngi long kiba tlot; hynrei ha ki jingïadei jong ngi bad phi ngin ïa-ïoh bynta lem ïa ka bor U Blei ha ka jingim jong u.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

1 ÏOANNIS 4:9

Bad U Blei u la pyn-i ïa ka jingieit jong u ïa ngi da kaba phah ïa la U Khun ba marwei sha ka pyrthei, khnang ba ngin ïoh ïa ka jingim da u.