ÏOANNIS 6:50 - Khasi CL Bible (BSI)

⁵⁰ Hynrei u kpu uba wan hiar na bneng u long uta ïa uba uno uno uba bam ïa u un ym ïap.

KA BAIBL

⁵⁰ Une u long uta u kpu uba wan hiar na bneng, ba uno uno ruh un ïoh bam na u, bad un ym ïap noh keiñ.

ÏOANNIS 6:50 ပူးပေါင်းရင်းမြစ်များ

ÏOANNIS 3:13

Bad ym don uno uno uba la ju leit kiew sha bneng lait tang U Khun U Briew, uba la wan hiar na bneng.”

ÏOANNIS 3:36

Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

ÏOANNIS 6:33

Naba u kpu ba U Blei u ai u long uta uba wan hiar na bneng bad uba ai jingim ïa ka pyrthei.”

ÏOANNIS 6:42

Kumta ki la ong, “Hato une u briew um dei U Jisu, u khun jong u Joseph? Ngi ithuh ïa u kpa bad ïa ka kmie jong u. Kumno te, ba u ong mynta ba u la wan hiar na bneng?”

ÏOANNIS 6:47

Nga ong ha phi ïa ka jingshisha: Uta uba ngeit u don ka jingim bymjukut.

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

ÏOANNIS 6:58

Une te, u long u kpu uba la wan hiar na bneng; um long kum uta u kpu uba ki kpa tymmen jong phi ki la bam, hynrei hadien ki la ïap. Uta uba bam ïa une u kpu un im junom.”

ÏOANNIS 8:51

Nga ong ha phi ïa ka jingshisha: Uno uno uba kohnguh ïa ka jinghikai jong nga un ym ïap lano lano ruh.”

Ka Shithi U Paul Sha Ki Nong Rom 8:10

Hynrei lada U Khrist u im hapoh jong phi, U Mynsiem u long ka jingim na ka bynta jong phi namar la pynlong ka hok hapdeng jong phi bad U Blei.