ÏOANNIS 6:45 - Khasi CL Bible (BSI)

⁴⁵ Ki nongïathuhlypa ki la thoh, ‘Uwei pa uwei baroh un ïoh hikai na U Blei.’ Uno uno uba shahshkor ïa U Kpa bad ïoh hikai na u, u wan sha nga.

KA BAIBL

⁴⁵ La thoh ha Ki Nongïathuhlypa: ‘Baroh ruh kin ïalong ïa kiba la ïoh hikai na U Blei.’ U briew baroh uba la ïohsngew na U Kpa, bad uba la ïoh nang, u wan ha nga.

ÏOANNIS 6:45 ပူးပေါင်းရင်းမြစ်များ

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MARKOS 1:2

Ka sdang kumba u Isaïah u Nongïathuhlypa u la thoh: “U Blei u la ong, ‘Ngan phah ïa u nonglamktien ha shuwa jong phi ban pynkhreh lynti na ka bynta jong phi.’

LOUKAS 1:70

U la kular lyngba ki nongïathuhlypa bakhuid jong u na mynbarim

LOUKAS 18:31

U Jisu u la ïalam sharud ïa ki khat-ar ngut ki synran bad u la ong ha ki, “Ha sngap! Ngi ïaleit sha Jerusalem ha kaba ïa kaei kaei baroh kaba ki nongïathuhlypa ki la thoh shaphang U Khun U Briew kan urlong shisha.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 6:65

Bad u la pyndap, “Kane hi ka dei ka daw kaba nga la ïathuh ïa phi ba ym don uba lah ban wan sha nga lymda U Kpa u pynlah ïa u ban leh kumta.”

KI KAM 13:40

To sumar bha, te, ba kaei kaba ki nongïathuhlypa ki la ong kan ym jia ha phi:

KI KAM 7:42

Kumta U Blei u la phai noh na ki, bad u la iehnoh ïa ki ban mane ïa ki khlur ka sahit bneng, kumba la thoh ha ka kitab ki nongïathuhlypa: “ ‘Ko ki paid Israel! Ym dei sha nga ba phi la pynïap bad kñia ïa ki jingri haduh sawphew snem ha ka ri shyiap.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

PHILIPPI 3:15

Ma ngi baroh kiba la ih bha ka jinglong mynsiem, ngi dei ban ïoh ïa kane kajuh ka jingmut. Hynrei lada don napdeng jong phi kiba don da ka jingmut baïapher, U Blei un pynshai ïa kane ha phi.

1 THESSALONI 4:9

Ym da donkam ban thoh sha phi shaphang ka jingïa-ieit ïa ki parabangeit jong phi. Ma phi hi phi long kiba la ïoh hikai na U Blei kumno phi dei ban ieit iwei ïa iwei pat.

HEBRU 10:16

“Kane ka long ka jutang ïa kaba ngan pynlong bad ki, ha ki sngi ki ban sa wan, ong U Trai: Ngan buh ïa ki hukum jong nga hapoh ki dohnud jong ki bad thoh ïa ki ha ki jingmut jingpyrkhat jong ki.”

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.