ÏOANNIS 6:39 - Khasi CL Bible (BSI)

³⁹ Bad ka long ka mon jong uta uba la phah ïa nga ba ngam dei ban duh noh ïa uno uno na kita baroh kiba u la ai ha nga, hynrei ba nga dei ban pynmihpat ïa ki baroh ha ka sngi kaba khatduh.

KA BAIBL

³⁹ Kane te ka long kata ka mon jong U Kpa uba la phah ïa nga, ba baroh ïa kaba u la ai ha nga, ngan ym ai ban duh noh ei ei ruh na ka, hynrei, ba ngan ïoh pynmih pat ïa ka ha ka sngi ka bakhatduh.

ÏOANNIS 6:39 ပူးပေါင်းရင်းမြစ်များ

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

MATHAÏOS 10:15

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 18:14

Ha kajuh ka rukom U Kpa jong phi uba ha bneng um kwah ba iwei ruh na kine kiba rit in jah noh.

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

ÏOANNIS 12:48

Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

ÏOANNIS 17:12

Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 17:6

“Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 17:9

“Nga duwai na ka bynta jong ki. Ngam duwai na ka bynta ka pyrthei hynrei na ka bynta kito ïa kiba me la ai ha nga, namar ki long ki jong me.

ÏOANNIS 18:9

(U la ong ïa kane khnang ba ïa kaei kaba u la lah ong kan urlong shisha: “Ko Pa, ngam shym la duh noh wat uwei ruh na kita ïa kiba me la ai ha nga.”)

ÏOANNIS 5:28

Wat sngewlyngngoh ha kane; ba ka por kan wan haba baroh kiba ïap kin ïohsngew ïa ka sur jong u bad kin mihnoh na ki jingtep jong ki: Kito kiba la leh ïa kaba bha kin mihpat bad kin im, bad kito kiba la leh ïa kaba sniew kin mihpat bad yn pynrem ïa ki.

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

ÏOANNIS 6:44

Ym don uba lah ban wan sha nga lymda U Kpa uba la phah ïa nga u pynwan ïa u sha nga; bad ngan pynmihpat ïa u ha ka sngi kaba khatduh.

ÏOANNIS 6:54

Uno uno uba bam ïa ka doh jong nga bad dih ïa ka snam jong nga u don ka jingim bymjukut, bad ngan sa pynmihpat ïa u ha ka sngi kaba khatduh.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

1 KORINTH 6:14

U Blei u la pynmihpat ïa U Trai na ka jingïap, bad un pynmihpat ruh ïa ngi da ka bor jong u.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

JAKOB 5:15

Kane ka jingduwai ba la pynlong ha ka jingngeit kan pynkhiah ïa u briew uba pang; U Trai un sa ai biang ha u ïa ka jingkoit jingkhiah, bad ïa ki pop kiba u la leh yn map.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

1 SAMUEL 25:29

Lada uno uno un ktah kti ïa phi bad pyrshang ban pynïap ïa phi, U Trai U Blei jong phi un ri sumar ïa phi, kumba uno uno u ap phira ïa ka jingkynshew kaba kordor. Katba ïa ki nongshun jong phi, un bret ïa ki sharud, kumba uno uno u kawang maw da ka jingshat maw.