ÏOANNIS 6:37 - Khasi CL Bible (BSI)

^37-38 Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

KA BAIBL

³⁷ Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

ÏOANNIS 6:37 ပူးပေါင်းရင်းမြစ်များ

SALM 102:17

Un sngew ïa ki briew jong u ïa kiba la iehnoh bad un shahshkor ïa ka jingduwai jong ki.

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

ISAÏAH 41:9

Nga la wallam ïa me na kiba kut ka pyrthei; nga la khot ïa me naduh ki pud bajngai bah jong ka bad nga la ong ha me ‘me long u shakri jong nga,’ ngam shym la kyntait ïa me, hynrei nga la jied ïa me.

ISAÏAH 42:3

Un ym pynkheiñ ïa u khah ba la dem un ym pynlip ïa ka sharak ba dang mehding, un wanrah ka jingbishar hok baneh ïa baroh.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 17:6

“Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 6:39

Bad ka long ka mon jong uta uba la phah ïa nga ba ngam dei ban duh noh ïa uno uno na kita baroh kiba u la ai ha nga, hynrei ba nga dei ban pynmihpat ïa ki baroh ha ka sngi kaba khatduh.

ÏOANNIS 6:65

Bad u la pyndap, “Kane hi ka dei ka daw kaba nga la ïathuh ïa phi ba ym don uba lah ban wan sha nga lymda U Kpa u pynlah ïa u ban leh kumta.”

ÏOANNIS 9:34

Ki la jubab, “La kha bad la pynsan ïa me hapoh ka pop — bad me pyrshang ban hikai ïa ngi?” Bad kumta ki la beh noh ïa u na ka synagog.

Ka Shithi U Paul Sha Ki Nong Rom 5:20

Ïa ka Hukum la pynmih khnang ban pynbun ïa ka jingleh bymdei; hynrei haba ka pop ka man bun, ka jingaiei U Blei ka nang kham khraw.

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

1 TIMOTHI 1:16

hynrei U Blei u la leh-isynei ïa nga khnang ba U Khrist Jisu un ïoh pynpaw ïa ka jingïaishah slem jong u ha kaba ïadei bad nga, uba sniew tam na kiba pop, kum ka nuksa ïa kito baroh ki ban sa ngeit ïa u hadien bad ïohpdiang ïa ka jingim bymjukut.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.