ÏOANNIS 5:39 - Khasi CL Bible (BSI)

³⁹ Phi pule ïa ki Jingthoh Bakhuid, namar phi pyrkhat ba ha ki phin shem ïa ka jingim bymjukut. Bad kine hi ki Jingthoh Bakhuid ki kren shaphang jong nga!

KA BAIBL

³⁹ Phi ïit bha ïa Ki Jingthoh, naba ha ki, phi mut ba phi ïoh ka jingim bymjukut; kita ruh ki long kiba ïaphla ïa nga.

ÏOANNIS 5:39 ပူးပေါင်းရင်းမြစ်များ

SALM 1:2

Pynban, ki shem jingkmen ha kaba kohnguh ïa ka Hukum jong U Trai

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 133:3

Ka long kum ka umjer halor u Lum Hermon, kaba hap halor ki lum ka Seïon. Dei hangta ba U Trai u la kular ïa ka jingkyrkhu jong u — ka jingim ka bymkut shuh.

SALM 16:11

Men pyn-i ha nga ïa ka lynti kaba lam sha ka jingim; ka jingdon ryngkat ka jong me ka pyndap ïa nga da ka jingkmen, bad ka wallam ha nga ka jingsngewbha junom.

SALM 21:4

U pan ïa ka jingim bad me ai ïa ka, ka jingim kaba jlan bad kaba neh.

SALM 36:9

Me long ka tyllong jong ka jingim baroh; bad namar ka jingshai jong me ngi ïohi ïa ka jingshai.

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

ISAÏAH 34:16

To wad ha ka kitab jong U Trai ïa ki jingthaw ba-im bad pule ïa kaei ba ka ong. Yn ym don tang kawei ruh na kine ki jingthaw ka ban jah noh, bad yn ym don tang kawei ruh ka ban ym don lok. U Trai u la hukum ba kan long kumta; ma u hi da lade un wallam lang ïa ki.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

MATHAÏOS 22:29

U Jisu u la jubab ïa ki, “A katno phi long kiba bakla! Ka long namar ba phim tip ïa ki jingthoh bakhuid lane ïa ka bor U Blei.

MARKOS 10:3

U Jisu u la jubab da ka jingkylli, “Kaei kaba ka hukum u Moses ka ai ha phi?”

MARKOS 12:10

Hato da shisha phi la pule ïa kane ka Jingthoh Bakhuid? “ ‘U maw ïa uba ki nongtei ki la kyntait kum u bymmyntoi, u la kylla long uba donkam eh na baroh.

LOUKAS 16:29

“U Abraham u la ong, ‘Ki hynmen ki para shynrang jong me ki don u Moses bad ki nongïathuhlypa ban maham ïa ki; ki hynmen ki para shynrang jong me ki dei ban shahshkor ïa kaei kaba ki ong.’

LOUKAS 16:31

Hynrei u Abraham u la ong, ‘Lada kim shahshkor ïa u Moses bad ïa ki nongïathuhlypa, yn ym lah ban pynngeit ïa ki wat lada uno uno un mihpat na ka jingïap.’ ”

LOUKAS 24:25

Nangta U Jisu u la ong ha ki, “Katno kiba bieit phi long, katno phi long kiba suki ban ngeit ïa kaei kaei baroh kaba ki nongïathuhlypa ki la ong!

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

ÏOANNIS 1:45

U Philip u la shem ïa u Nathanael bad u la ong ïa u, “Ngi la shem ïa uta ïa uba u Moses u la thoh ha ka kitab jong ka Hukum bad ïa uba ki nongïathuhlypa ruh ki la thoh shaphang jong u. U long U Jisu, u khun jong u Joseph, uba na Nasareth.”

ÏOANNIS 5:32

Hynrei don uwei pat uba phla na ka bynta jong nga, bad nga tip ba ïa kaei kaba u ong shaphang jong nga ka long kaba shisha.

ÏOANNIS 5:36

Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

ÏOANNIS 5:40

Pynban phim mon ban wan sha nga khnang ba phin ïoh ïa ka jingim.

ÏOANNIS 5:46

Lada phi la ngeit da shisha ha u Moses, phin jin da la ngeit ha nga, namar u la thoh shaphang jong nga.

ÏOANNIS 7:52

“Te kumta,” ki la jubab, “phi ruh phi dei na Galilaïa? To pule minot ïa ki Jingthoh Bakhuid bad phin shem ba ym don nongïathuhlypa uba ju mih na Galilaïa.”

KI KAM 13:27

Naba ki briew kiba shong ha Jerusalem bad ki nongsynshar jong ki kim tip ba u long U Nongpynim, lymne ba ki la shemphang ïa ki kyntien jong ki nongïathuhlypa ïa kiba la pule man ka sngi Sabbaton. Pynban ki la pynlong ïa ki kyntien jong ki nongïathuhlypa ban urlong shisha da kaba pynrem ïa U Jisu.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

KI KAM 26:27

Ko syiem Agrippa, hato me ngeit ïa ki nongïathuhlypa? Nga tip ba me ngeit!”

Ka Shithi U Paul Sha Ki Nong Rom 1:2

Ïa ka Khubor Babha la kular la slem bah da U Blei lyngba ki nongïathuhlypa jong u, kumba la thoh ha ki Jingthoh Bakhuid.

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

DEUTERONOMI 18:15

Un phah ha phi napdeng jong phi hi ïa u nongïathuhlypa uba kum ma nga, bad phi dei ban kohnguh ïa u.

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.

DEUTERONOMI 29:29

“Don kiei kiei kiba U Trai U Blei jong ngi u dang buhrieh na ka jingtip u briew; hynrei u la pynpaw ïa ka Aiñ jong u, bad ma ngi lem bad ki khun ki ksiew jong ngi, ngi dei ban kohnguh ïa ka junom.

DEUTERONOMI 32:47

Kine ki jinghikai kim long ki ktien thylli; ki long ka jingim jong phi hi. Kohnguh ïa ki, te phin sa im slem ha kata ka ri sha shiliang ka Jordan ïa kaba phin sa ïohkynti.”

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 11:35

Da ka jingngeit, ki kynthei ki la ïohpdiang ïa ki ba-ha-ïing kiba la ïap ïa kiba la pynim pat. Kiwei pat, kiba kyntait ban pdiang ïa ka jinglaitluid, ki la ïap ha ka jingshah pynshitom beiñ khnang ba yn pynmihpat sha ka jingim kaba kham bha.

JOSHUA 1:8

Pynthikna ba ïa kane ka kitab ka Hukum dei ban pule borabor ha ka jingmane jong me. Puson ïa ka mynsngi bad mynmiet, bad pynthikna ba men kohnguh ïa kaei kaei baroh ba la thoh ha ka. Te men sa manbha bad long uba jop.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.