ÏOANNIS 5:38 - Khasi CL Bible (BSI)

³⁸ Phim pat ju ïohsngew ïa ka sur jong u lane phim pat ju ïohi ïa ka khmat jong u, bad phim ju sumar ïa ka khubor jong u ha ki dohnud jong phi, naba phim ngeit ha uta ïa uba u la phah.

KA BAIBL

³⁸ Bad phim don ka ktien jong u kaba ïaisah ha phi; naba ïa uba la phah ma u, ha uta phi phim ngeit.

ÏOANNIS 5:38 ပူးပေါင်းရင်းမြစ်များ

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

ISAÏAH 26:10

Wat la me lehsbun ïa ki riewbymman, pynban kim ju hikai ban leh ïa kaei kaba dei. Wat hangne ha ka ri jong ki briew kiba hok ki dang leh ïa ka bymdei; ki kyntait ban ithuh ïa ka jingkhraw jong me.

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

ÏOANNIS 1:11

U la wan sha la ka jong ka ri, hynrei ki briew jong u hi kim shym la pdiang ïa u.

ÏOANNIS 15:7

Lada phi ïaineh ha nga bad ki ktien jong nga ki ïaineh ha phi, te phin pan ïa kaei kaei kaba phi kwah, bad phin ïoh ïa ka.

ÏOANNIS 8:37

Nga tip ba phi long kiba hiarpateng na u Abraham. Pynban phi pyrshang ban pynïap ïa nga, namar ba phin ym pdiang ïa ka jinghikai jong nga.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

JOSHUA 1:8

Pynthikna ba ïa kane ka kitab ka Hukum dei ban pule borabor ha ka jingmane jong me. Puson ïa ka mynsngi bad mynmiet, bad pynthikna ba men kohnguh ïa kaei kaei baroh ba la thoh ha ka. Te men sa manbha bad long uba jop.

1 ÏOANNIS 2:14

Nga thoh sha phi, ko ki khun jong nga, namar phi ithuh ïa U Kpa. Nga thoh sha phi, ko ki kpa, namar phi ithuh ïa u, uba la don naduh kaba mynnyngkong. Nga thoh sha phi, ko ki khun samla, namar phi long kiba khlaiñ; ka ktien U Blei ka ïaisah ha phi, bad phi la jop noh thiaw ïa Uta u Basniew.