ÏOANNIS 5:36 - Khasi CL Bible (BSI)

³⁶ Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

KA BAIBL

³⁶ Hynrei, ma nga, nga don ka jingphla kaba kham khraw ïa ka jong u Ïoannis; namar kita ki jingleh ïa kiba U Kpa u la aiti ha nga ba ngan ïoh pyndep ïa ki, kita kijuh hi ki jingleh kiba nga leh, ki ïaphla shaphang jong nga, ba uta U Kpa u la phah ïa nga.

ÏOANNIS 5:36 ပူးပေါင်းရင်းမြစ်များ

MATHAÏOS 11:4

U Jisu u la jubab, “Khie leit phai bad ïathuh ïa u Ïoannis ïa kaei kaba phi ïohsngew bad ïohi:

LOUKAS 2:49

U la jubab ïa ki, “Balei ba phi dei ban wad ïa nga? Hato phim tip ba nga dei ban don ha ka ïing jong U Kpa jong nga?”

ÏOANNIS 10:25

U Jisu u la jubab, “Nga la lah ïathuh ïa phi, hynrei phim ngeit ïa nga. Ki kam kiba nga leh ha ka bor u Kpa jong nga ki kren na ka bynta jong nga;

ÏOANNIS 11:37

Hynrei don na ki kiba la ong, “U la pynpeit ïa ki khmat uba matlah, ym dei? Hato un ym lah ban ïa u Lasaros bat ym ïap?”

ÏOANNIS 15:24

Kin ym da la sngewrem ïa ka pop lada ngam shym la leh hapdeng jong ki ïa kiei kiei kiba ym don uno uno uwei pat uba la ju leh; kumba ka long, ki la ïohi ïa kaei kaba nga la leh, bad ki shun ïa nga bad ïa U Kpa jong nga.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 2:23

Katba U Jisu u dang don ha Jerusalem ha ka por ka Jingkhawai Niam Ka Jinglait, shibun ki la ngeit ha u haba ki la ïohi ïa ki kambah kiba u la leh.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 5:32

Hynrei don uwei pat uba phla na ka bynta jong nga, bad nga tip ba ïa kaei kaba u ong shaphang jong nga ka long kaba shisha.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

1 ÏOANNIS 5:9

Ngi ngeit ïa ka jingphla jong u briew; hynrei ka jingphla U Blei ka long kaba kham khlaiñ, bad u la ai ïa kane ka jingphla shaphang U Khun jong u.