ÏOANNIS 5:30 - Khasi CL Bible (BSI)

³⁰ “Nga ngam lah ban leh ei ei da la ka jong ka bor; nga bishar tang kat kaba U Blei u ong ïa nga, kumta ka jingbishar jong nga ka long kaba hok, namar ba ngam pyrshang ban leh ïa kaei kaba nga mon, hynrei ïa kaei kaba uta uba la phah ïa nga u mon.

KA BAIBL

³⁰ “Nga ngam lah ban leh ei ei ruh em na lade hi; kumba nga ïohsngew, nga bishar: bad kata ka jingbishar jong nga ka long ka bahok; naba ngam wad ïa ka mon ka jong nga hi, hynrei, ïa ka mon U Kpa uba la phah ïa nga.

ÏOANNIS 5:30 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

ISAÏAH 28:6

Un ai ïa ka jingshemphang jong ka jingbishar hok ïa kito kiba trei kum ki nongbishar, bad ka jingshlur ïa kito kiba ïada ïa ki khyrdop ka nongbah na ka jingshah hiarthma.

SEPHANAÏAH 3:15

U Trai u la pynkut ïa ka jingpynshitom ïa phi; u la weng noh ïa ki nongshun jong phi baroh. U Trai, u syiem ka Israel, u long bad phi; ym don daw mynta ban sheptieng.

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

ÏOANNIS 14:10

Hato mem ngeit, ko Philip, ba nga long ha U Kpa bad U Kpa u long ha nga? Ki ktien kiba nga la kren ha phi,” U Jisu u la ong ha la ki synran, “kim shym la wan na nga hi. U Kpa, uba ïaisah bad nga, u trei la ka jong ka kam.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 18:11

U Jisu u la ong ha u Petros, “To bsuh noh ïa ka waitlam ha ka jingsop jong ka! Me tharai ba ngan ym dih ïa ka khuri ka jingshah shitom ïa kaba U Kpa jong nga u la ai ha nga?”

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 5:19

Kumta U Jisu u la jubab ïa ki, “Nga ong ha phi ïa ka jingshisha: U Khun um lah ban leh ei ei na lade; u leh tang ïa kaei kaba u ïohi ba U Kpa jong u, u leh. Ïa kaei kaba U Kpa u leh, U Khun ruh u leh.

ÏOANNIS 8:28

Kumta u la ong ha ki, “Ynda phi la kyntiew ïa U Khun U Briew, phin sa tip ba nga ‘Nga long uba nga long’; te phin sa tip ba ngam leh ïa kaei kaei ha ka bor jong nga hi, hynrei nga ong ïa kaei kaba U Kpa u la bthah ïa nga ban ong.

ÏOANNIS 8:42

U Jisu u la ong ha ki, “Lada U Blei shisha u dei U Kpa jong phi, phin da la ieit ïa nga, namar nga la wan na U Blei bad mynta nga don hangne. Ngam shym la wan ha la ka jong ka bor hi, hynrei u la phah ïa nga.

ÏOANNIS 8:50

Ngam shym wad burom na ka bynta ïa lade. Hynrei don uwei uba wad ïa ka bad uba bishar na ka bynta jong nga.

Ka Shithi U Paul Sha Ki Nong Rom 15:3

Naba U Khrist um shym la pynsngewbha ïa lade. Pynban, kumba ka Jingthoh Bakhuid ka ong, “Ki jingkrenbeiñ ïa kiba la thew ha phi ki la hap halor jong nga.”

Ka Shithi U Paul Sha Ki Nong Rom 2:2

Ngi tip ba U Blei u leh ïa kaba dei haba u bishar ïa ki briew kiba leh ïa kiei kiei kum kine.

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.