ÏOANNIS 5:27 - Khasi CL Bible (BSI)

²⁷ Bad u la ai ha U Khun ïa ka hok ban bishar, namar u long U Khun U Briew.

KA BAIBL

²⁷ bad u la ai ruh ha u ka bor ïa ka ban bishar, naba u long U Khun u briew.

ÏOANNIS 5:27 ပူးပေါင်းရင်းမြစ်များ

SALM 110:6

Un ai ïa ka jingbishar halor ki jaitbynriew bad un pyndap ïa ka madan thma da ki metïap; un jop ïa ki syiem baroh jong ka pyrthei.

MATHAÏOS 9:6

Ngan pynshisha ha phi, te, ba U Khun U Briew u don ka iktiar ha ka khyndew ban map ïa ki pop.” Kumta u la ong ha u briew uba ïapshiliang, “To ïeng joit, to rah ïa la ka jingthiah, bad leit sha ïing!”

ÏOANNIS 5:22

Lymne U Kpa da lade hi um bishar ïano ïano. U la ai ha la U Khun ïa ka hok baroh ban bishar, ba baroh kin burom ïa U Khun kumba ki burom ïa U Kpa.

ÏOANNIS 9:39

U Jisu u la ong, “Nga la wan sha kane ka pyrthei ban bishar, khnang ba kiba matlah kin ïohi bad kito kiba ïohi kin long matlah.”

KI KAM 10:42

Bad u la hukum ïa ngi ban ïalap ïa ka Gospel ha ki briew, bad ban sakhi ba u long uta ïa uba U Blei u la thung ban long u Nongbishar ïa kiba im bad kiba ïap.

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

1 KORINTH 15:25

Naba U Khrist u dei ban synshar haduh ba U Blei un da pyndem ïa ki nongshun baroh hapoh ki kjat jong u.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.