ÏOANNIS 5:25 - Khasi CL Bible (BSI)

²⁵ Nga ong ha phi ïa ka jingshisha: Ba ka por kan poi — ka por ka la lah poi — haba kiba ïap kin ïohsngew ïa ka sur jong U Khun U Blei, bad kito kiba ïohsngew ïa ka kin ïoh im.

KA BAIBL

²⁵ “Shisha, shisha nga ong ha phi, ba ka por ka jia, bad ka long mynta keiñ, haba ki baïap kin ïohsngew ïa ka jingpyrta ka jong U Khun U Blei: te kita kiba ïohsngew, kin ïoh im.

ÏOANNIS 5:25 ပူးပေါင်းရင်းမြစ်များ

LOUKAS 15:24

Naba une u khun jong nga u la ïap, hynrei mynta u la im pat; u la jah noh, hynrei mynta la shem pat ïa u.’ Bad kumta ka jingkhawai ka la sdang.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 9:60

U Jisu u la jubab, “Ai ba kiba ïap kin tep ïa kiba ïap jong ki. Khie leit ma me bad pynbna ïa ka Hima U Blei.”

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 17:1

Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.

ÏOANNIS 4:21

U Jisu u la ong ha ka, “To ngeit ïa nga, ko ka briew, ba ka por kan poi haba ki briew kin ym mane ïa U Kpa halor une u lum ne ha Jerusalem.

ÏOANNIS 4:23

Hynrei ka por ka poi bad ka la lah long mynta, haba ha ka bor jong U Mynsiem U Blei ki briew kin mane ïa U Kpa kumba u long hi, da kaba ai ha u ïa ka jingmane kaba shisha kaba u dawa.

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

ÏOANNIS 5:28

Wat sngewlyngngoh ha kane; ba ka por kan wan haba baroh kiba ïap kin ïohsngew ïa ka sur jong u bad kin mihnoh na ki jingtep jong ki: Kito kiba la leh ïa kaba bha kin mihpat bad kin im, bad kito kiba la leh ïa kaba sniew kin mihpat bad yn pynrem ïa ki.

ÏOANNIS 6:60

Kiba bun na ki nongbud jong u ki la ïohsngew ïa kane bad ki la ong, “Kane ka jinghikai ka long kaba eh than. Uei u ban shahshkor ïa ka?”

ÏOANNIS 8:43

Balei phim sngewthuh ïa kaei kaba nga ong? Ka long namar ba phim lah shah ban sngap ïa ka khubor jong nga.

ÏOANNIS 8:47

Uta uba wan na U Blei u shahshkor ïa ki ktien U Blei. Phi, pynban, phim dei na U Blei, bad dei na kata ka daw balei ba phim shahshkor.”

ÏOANNIS 9:27

“Nga la dep ïathuh ïa phi,” u la jubab, “bad phim shym la shahshkor. Balei ba phi kwah ban ïohsngew biang ïa ka? Lehse ma phi, ruh, phi kwah ban long ki synran jong u?”

Ka Shithi U Paul Sha Ki Nong Rom 6:4

Da ka jingpynbaptis, ïa ngi la btep bad u, bad ngi ïadon bynta bad ka jingïap jong u, khnang ba, kumba ïa U Khrist la pynmihpat na ka jingïap da ka bor jong ka burom U Kpa, kumta ruh ma ngi, ngi lah ban im ka jingim bathymmai.

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!