ÏOANNIS 5:21 - Khasi CL Bible (BSI)

²¹ Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

KA BAIBL

²¹ Namar kumba uta U Kpa u pynmih ïa ki baïap bad u pynim ïa ki, kumta ruh U Khun u pynim ïa kiba u mon.

ÏOANNIS 5:21 ပူးပေါင်းရင်းမြစ်များ

1 SYIEM 17:21

Nangta u Elijah u dem lai sien halor uta u khynnah bad u duwai, “Ko Trai U Blei jong nga, pynwan biang ïa ka jingim ha une u khynnah!”

2 SYIEM 5:7

Haba u syiem Israel u pule ïa ka shithi, u la kad ïa la ki jaiñ ha ka jingkhuslai bad u kyang jam, “Kumno u syiem Syria u khmih lynti ïa nga ban pynkhiah ïa une u briew? Hato u pyrkhat ba nga dei U Blei, lem bad ka bor jong ka jingim bad ka jingïap? Ka shai kdar ba u pyrshang ban sdang ïakajia bad nga!”

ÏOANNIS 11:25

U Jisu u la ong ha ka, “Nga long ka jingmihpat bad ka jingim. Uno uno uba ngeit ha nga un im, wat la u la ïap; un ïoh im, bad uno uno uba im, bad uba ngeit ha nga un ym ïap lano lano ruh.

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 6:63

Kaei kaba ai jingim dei U Mynsiem jong U Blei; ka bor briew kam myntoi ei ei ruh em. Ki ktien kiba nga la kren ha phi ki wallam ïa U Mynsiem ba ai jingim jong U Blei.

KI KAM 26:8

Balei ma phi kiba don hangne phi shem ba ka long ka bym lah ban ngeit ba U Blei u pynmihpat ïa kiba ïap?

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.