ÏOANNIS 5:19 - Khasi CL Bible (BSI)

¹⁹ Kumta U Jisu u la jubab ïa ki, “Nga ong ha phi ïa ka jingshisha: U Khun um lah ban leh ei ei na lade; u leh tang ïa kaei kaba u ïohi ba U Kpa jong u, u leh. Ïa kaei kaba U Kpa u leh, U Khun ruh u leh.

KA BAIBL

¹⁹ Ynda kumta, U Jisu u la ïathuh bad u la ong ha ki, “Shisha, shisha nga ong ha phi, U Khun um lah ban leh ei ei ruh em na lade, hynrei, tang ïa kaba u ïohi ba U Kpa u leh: namar ïa kiei kiei ruh kiba u leh ma u, ïa kita ruh uta U Khun kumjuh u leh.

ÏOANNIS 5:19 ပူးပေါင်းရင်းမြစ်များ

JENESIS 1:1

Ha kaba mynnyngkong, haba U Blei u la thaw ïa ka pyrthei, ka pyrthei ka long kaba khlem dur bad kaba suda.

JENESIS 1:26

Nangta U Blei u la ong, “Mynta pat ngin ïathaw ïa ki briew; kin long kum ma ngi bad syriem ïa ngi. Kin don ka bor halor ki dohkha, ki sim, bad ki mrad baroh, ki jingri ne ki mradkhlaw, kiba rit bad kiba heh.”

SALM 138:3

Me jubab ïa nga haba nga khot kyrpad ïa me; da ka jingkhlaiñ jong me, me pynshaitbor ïa nga.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

SALM 50:6

Ki bneng ki pynbna ba U Blei u long uba hok, ba ma u hi da lade u long u nongbishar.

EKSODOS 4:11

U Trai u la ong ha u, “Uei uba ai ha u briew ïa ka shyntur? Uei uba pynlong ïa u uba kyllut ne u bymnang kren? Uei uba ai ha u ïa ka jingïohi ne pynlong ïa u, uba matlah? Dei ma nga, U Trai.

PROBERB 2:6

Dei U Trai uba ai ïa ka jingstad; na u ka wan ka jingtip bad ka jingshemphang.

ISAÏAH 44:24

“Nga long U Trai, u Nongpynim jong phi; nga long uta uba la thaw ïa phi. Nga long U Trai, u Nongthaw ïa baroh kiei kiei. Nga marwei hi nga pynpyiar ïa ki bneng; haba nga thaw ïa ka pyrthei, ym don u ban ïarap ïa nga.

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

ÏOANNIS 10:18

Ym don u ban shim noh ïa ka jingim jong nga na nga. Nga aiti ïa ka da la ka mon sngewbha hi. Nga don ka hok ban aiti noh ïa ka, bad nga don ka hok ban shim pat ïa ka. Kane ka long kaei kaba U Kpa jong nga u la hukum ïa nga ban leh.”

ÏOANNIS 12:49

Kane ka long kaba shisha, namar ngam shym la kren ha ka bor jong nga hi; hynrei U Kpa uba la phah ïa nga u la hukum ïa nga ïa kaei kaba nga dei ban ong bad kren.

ÏOANNIS 12:50

Bad nga tip ba ka hukum jong u ka wallam ïa ka jingim bymjukut. Kaei kaba nga ong, namarkata, ka long kaei kaba U Kpa u la ïathuh ïa nga ban ong.”

ÏOANNIS 14:10

Hato mem ngeit, ko Philip, ba nga long ha U Kpa bad U Kpa u long ha nga? Ki ktien kiba nga la kren ha phi,” U Jisu u la ong ha la ki synran, “kim shym la wan na nga hi. U Kpa, uba ïaisah bad nga, u trei la ka jong ka kam.

ÏOANNIS 2:19

U Jisu u la jubab, “Pynpra ïa kane ka Templ, bad ha ki lai sngi ngan tei pat ïa ka.”

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

ÏOANNIS 8:28

Kumta u la ong ha ki, “Ynda phi la kyntiew ïa U Khun U Briew, phin sa tip ba nga ‘Nga long uba nga long’; te phin sa tip ba ngam leh ïa kaei kaei ha ka bor jong nga hi, hynrei nga ong ïa kaei kaba U Kpa u la bthah ïa nga ban ong.

ÏOANNIS 9:4

Katba ka dang don ka sngi, ngi dei ban trei ïa ka kam jong uta uba la phah ïa nga; ka miet ka wan haba ym don uba lah ban trei.

KI KAM 2:24

Hynrei U Blei u la pynmihpat ïa u na ka jingïap, da kaba pyllaitluid ïa u na ka bor jong ka, namar ka long ka bym lah long ba ka jingïap kan bat ïa u.

Ka Shithi U Paul Sha Ki Nong Rom 6:4

Da ka jingpynbaptis, ïa ngi la btep bad u, bad ngi ïadon bynta bad ka jingïap jong u, khnang ba, kumba ïa U Khrist la pynmihpat na ka jingïap da ka bor jong ka burom U Kpa, kumta ruh ma ngi, ngi lah ban im ka jingim bathymmai.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

1 KORINTH 15:12

Mynta, namar ka khubor jong ngi ka long ba ïa U Khrist la pynmihpat na ka jingïap, kumno ba katto katne ngut na phi ki ong ba yn ym don ka jingmihpat na ka jingïap?

2 KORINTH 4:14

Ngi tip ba U Blei, uba la pynmihpat ïa U Trai Jisu na kiba ïap, un pynmihpat ïa ngi ruh lem bad U Jisu bad un ïalam ïa ngi, ryngkat bad phi, sha ka jingdon ryngkat jong u.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 3:16

Nga kyrpad ïa U Blei na ka jingkynrei spah ka burom jong u ban ai ha phi ïa ka bor da U Mynsiem jong u ba phin long kiba khlaiñ ha ki jinglong bashapoh jong phi, bad nga duwai ba U Khrist un pynlong ka ïingshong jong u ha ki dohnud jong phi da ka jingngeit.

PHILIPPI 3:21

U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

KOLOSSAI 1:11

Ai ba yn pynkhlaiñ ïa phi da ka jingkhlaiñ baroh kaba wan na ka bor badonburom jong u, khnang ba phi lah ban shah ïa kiei kiei baroh da ka jingïaishah. Bad da ka jingkmen to ainguh ïa U Kpa, uba la pynlong ïa phi kiba bit ban ïoh ïa la ka bynta na kaei kaba U Blei u la tyngkai na ka bynta ki briew jong u ha ka hima ka jingshai.

KOLOSSAI 1:16

Namar da u, U Blei u la thaw ïa kiei kiei baroh ha bneng bad ha khyndew, kiei kiei kiba lah ban ïohi bad kiei kiei ki bym lah ban ïohi, kynthup ïa ki bor ba kynja mynsiem, ki kynrad, ki nongsynshar, bad ki bor synshar. U Blei u la thaw ïa ka jingpynlong baroh kawei da u na ka bynta jong u.

1 THESSALONI 4:14

Ngi ngeit ba U Jisu u la ïap bad u la mihpat, bad kumta ngi ngeit ba U Blei un shim pat bad U Jisu ïa kito kiba la ïap da kaba ngeit ha u.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.