ÏOANNIS 5:14 - Khasi CL Bible (BSI)

¹⁴ Hadien kata, U Jisu u la shem ïa u ha ka Templ bad u la ong, “Peit shane, me la khiah mynta; te sangeh na kaba leh pop, ïoh kaei kaei kaba kham sniew ka lah ban jia ïa me.”

KA BAIBL

¹⁴ Hadien kata, U Jisu u shem ïa u ha ka templ, bad U la ong ha u, “Ha khmih, la pynkhiah ïa me: wat leh pop shuh, ïoh kan jia ha me kaei kaei ruh kaba kham sniew.”

ÏOANNIS 5:14 ပူးပေါင်းရင်းမြစ်များ

2 KHRONIKL 28:22

Katba ki jingjynjar ki nang jur, u Ahas u la leh pop shuh shuh pyrshah ïa U Trai.

NEHEMAÏAH 9:28

Haba ka jingsuk ka la wan, ki leh pop biang, bad me shah biang ïa ki nongshun ban jop ïa ki. Pynban ki kylla-kaba-mut bad kyrpad ïa me ban pynim ïa ki, ha bneng me ïohsngew, bad na ka por sha ka por me pyllait ïa ki ha ka jingisynei bakhraw jong me.

SALM 118:18

U la pynshitom jur ïa nga, hynrei um shym la shah ïa nga ban ïap.

SALM 18:22

Nga la bat ïa ki aiñ jong u baroh; ngam shym la pynkheiñ ïa ki hukum jong u.

SALM 27:6

Kumta ngan ïoh jop halor ki nongshun kiba ker sawdong ïa nga. Ryngkat bad ki jingrisa jingkmen ngan ai ki jingkñia ha ka Templ jong u; ngan rwai, ngan ïaroh ïa U Trai.

SALM 9:13

To isynei ïa nga, A Trai! Peit ïa ki jingshah shitom ba ki nongshun jong nga ki pynlong ïa nga! To pyllait ïa nga na ka jingïap, A Trai,

ISAÏAH 38:20

A Trai, me la pynkhiah ïa nga. Ngin tem ki duitara bad rwai ka jingïaroh ïa me, ngin rwai ïaroh ha ka Templ jong me katba ngi dang im.

ISAÏAH 38:22

Te u syiem Hesekaïah u kylli, “Kaei ka dak ban pynshisha ba nga lah ban leit sha ka Templ?”

LEBITIKOS 13:20

U lyngdoh un peit bniah ïa u, bad lada kata ka dak ka paw ba ka kham jylliew ban ïa ka sniehdoh sawdong jong ka bad ba u shñiuh hangta ruh u la kylla lieh, un pynbna ba uta u long u bymkhuid. Kata ka dei ka jingpang 'ñiangthohlieh kaba sdang na uta u tohjaw.

LEBITIKOS 26:27

“Lada hadien kat kane phim treh ban shahshkor ïa nga bad phi dang ïai pyrshah hi ïa nga,

LEBITIKOS 7:12

Lada u briew u wallam ïa kane ka jingainguh kum ka jingai sngewnguh sha U Blei, u dei ruh ban wanrah, ryngkat bad uta u mrad ïa uba yn kñia, ïa ka jingainguh ïa u kpu bakhlem thiat: ki kpu kiba rben ba la khleh bad ka umphniang Olib lane kiba stang ba la kyllan da ka umphniang Olib lane da u 'purew ba la shet khleh bad ka umphniang Olib.

MATHAÏOS 12:45

Nangta u mihnoh bad u wan ïalam sa hynñiew ngut kiwei pat ki mynsiem wat kiba kham sniew ban ïa u, bad ki wan shongsah hangta. Kumta haba baroh ka la kut, uta u briew un don ha ka jinglong kaba kham sniew ban ïa kaba u la long ha kaba sdang. Kane ka long kaei ka ban jia ha ki briew kiba sniew jong kane ka por.”

MARKOS 2:5

Haba U la ïohi haduh katno ba ki don ka jingngeit, U Jisu u ong ha uta uba pang ïapshiliang, “Ko khun jong nga, ïa ki pop jong me la map.”

ÏOANNIS 5:13

Hynrei uta u briew uba la ïohkhiah um shym tip ba U Jisu u la long uei, naba la don u paidbah ha kata ka jaka, bad U Jisu u la lah mihnoh jar jar.

ÏOANNIS 5:5

Hangta la don u briew uba la pang haduh laiphew phra snem.

ÏOANNIS 8:11

“Uwei ruh em, ko Kynrad,” ka la jubab. “Haba kumta te,” U Jisu u la ong, “nga ruh ngam pynrem ïa pha. Khie leit, hynrei wat leh pop shuh.”]

1 PETROS 4:3

Phi la pynlut shibun ka por kaba la leit noh da kaba leh ïa kaei kaba ki bymngeit ki kwah ban leh. Ïa ka jingim jong phi la pynlut ha kaba im awria, jingkwah brai, jingdih buaid, jingleh jakhlia, ki jingïaleh-sngewbha buaid, bad ha ka jingmane ba-ijli ïa ki bleithaw.