ÏOANNIS 5:10 - Khasi CL Bible (BSI)

¹⁰ Kane ka la jia ha ka sngi Sabbaton, kumta ki nongsynshar jong ki Jiw ki la ong ïa uta u briew uba la ïohkhiah, “Kane ka dei ka sngi Sabbaton, bad ka long pyrshah ïa ka Hukum jong ngi ïa me ban rah ïa la ka jingthiah.”

KA BAIBL

¹⁰ Namar kata, ki Jiw ki la ïa-ong ha uta uba la ïoh khiah, “Ka long ka Sabbaton: ka bymdei ïa me ban rah ïa la ka jingthiah.”

ÏOANNIS 5:10 ပူးပေါင်းရင်းမြစ်များ

ISAÏAH 58:13

U Trai u ong, “Lada phi ñiew ïa ka Sabbaton kum kaba kyntang bad phin ym beh tang ïa la ki jong ki jingmyntoi ha kata ka sngi; lada phi ñiewkor ïa ka sngi kaba khuid jong nga bad lada phi burom ïa ka khlem da leit jingleit, treikam, lane shu bunktien bieit ha kata ka sngi,

JEREMAÏAH 17:21

Ïathuh ïa ki ba lada ki ieit ïa la ka jingim, kim dei ban kit kano kano ka jingkit ha ka Sabbaton; kim dei ban rah ïa kano kano shapoh lyngba ki khyrdop jong ka Jerusalem

JEREMAÏAH 17:27

Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

MATHAÏOS 12:10

ha kaba la don u briew uba don ka kti kaba la ïapshiliang. Katto katne ki briew hangta kiba la kwah ban mudui ïa U Jisu ha ka jingleh bakla, kumta ki la kylli ïa u, “Hato ka long pyrshah ïa Ka Aiñ jong ngi ban pynkhiah ha ka sngi Sabbaton?”

MARKOS 2:24

Kumta ki Pharisi ki la ong ha U Jisu, “Peit, ka long pyrshah ïa ka Hukum jong ngi ba ki synran jong me kin leh ïa kata ha ka sngi Sabbaton!”

MARKOS 3:4

Nangta u la kylli ïa ki briew, “Kaei kaba ka Hukum jong ngi ka shah ïa ngi ban leh ha ka sngi Sabbaton? Ban ïarap lane ban pynsniew? Ban pynim ïa ka jingim u briew lane ban pynjot ïa ka?” Hynrei kim shym la ong ei ei.

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

LOUKAS 23:56

Nangta ki la leit phai pat sha ïing bad ki la pynkhreh ïa ki musla bad ki jingiwbih na ka bynta ka met. Ha ka sngi Sabbaton ki la shongthait, kumba ka Hukum ka dawa.

LOUKAS 6:2

Katto katne ngut ki Pharisi ki kylli, “Balei phi leh ïa kaei kaba ka Hukum jong ngi ka ong ba phim lah ban leh ha ka sngi Sabbaton?”

ÏOANNIS 1:19

Ki nongsynshar jong ki Jiw ha Jerusalem ki la phah katto katne ngut ki lyngdoh bad ki Lebi sha u Ïoannis, ban kylli ïa u, “Me dei uei?”

ÏOANNIS 5:11

U la jubab, “U briew uba la pynkhiah ïa nga u la ong ha nga ba ngan rah ïa ka jingthiah bad ban ïaid.”

ÏOANNIS 5:15

Te uta u briew u la leit noh bad u la ïathuh ïa ki nongsynshar jong ki Jiw ba dei U Jisu uba la pynkhiah ïa u.

ÏOANNIS 5:16

Kumta ki la sdang ban wad dong ban pynshitom ïa U Jisu, namar ba u la leh ïa kane ka jingpynkhiah ha ka sngi Sabbaton.

ÏOANNIS 7:23

Lada ïa u khynnah la otsher ha ka sngi Sabbaton ba yn ym pynkheiñ ïa ka Hukum u Moses, balei phi bitar ïa nga namar ba nga pynkhiah ïa u briew ha ka sngi Sabbaton?

ÏOANNIS 9:16

Don ki Pharisi kiba la ong, “Uta u briew uba la leh ïa kane um lah ban long na U Blei, naba um shym kohnguh ïa ka hukum Sabbaton.” Hynrei, kiwei pat, ki la ong, “Kumno u briew uba long u nongpop u lah ban leh kum kita ki kambah kat kine?” Bad ka la don ka jingïapait hapdeng jong ki.