ÏOANNIS 4:9 - Khasi CL Bible (BSI)

⁹ Kata ka briew ka la jubab, “Me long u Jiw, bad nga long ka nong Samaria — te kumno me lah ban pan um na nga ban dih?” (Ki Jiw kim pyndonkam ïa kijuh ki khuri bad ki pliang kiba ki nong Samaria ki pyndonkam.)

KA BAIBL

⁹ Ynda kumta, kata ka briew kaba long ka nong Samaria ka ong ha u, “Kumno ma me u Jiw, me pan ban dih na nga, kaba long ka nong Samaria?” naba ki Jiw kim ju ïalok bad ki nong Samaria.

ÏOANNIS 4:9 ပူးပေါင်းရင်းမြစ်များ

MATHAÏOS 10:5

Ïa kine ki khat-ar ngut ki rangbah, U Jisu u la phah noh lem bad kine ki jingbthah harum: “Wat leit sha kano kano ka thain jong ki Jentil lane sha kano kano ka shnong ki nong Samaria.

LOUKAS 10:33

Hynrei u nong Samaria uba la leit jingleit na kata ka lynti u la wan lap ïa uta u briew, bad haba u la ïohi ïa u, la pyndap ïa ka dohnud jong u da ka jingsngewsynei.

ÏOANNIS 4:27

Ha kata ka khyllipmat ki synran jong U Jisu ki la wan phai, bad ki la lyngngoh shikatdei eh ban lap ïa u ba u ïakren bad kata ka briew. Hynrei ym don na ki uba la ong ïa ka, “Pha kwah aïu?” lane uba la kylli ïa u, “Balei ba me ïakren bad ka?”

ÏOANNIS 8:48

Ki la kylli ïa U Jisu, “Hato ngim shym la ong ïa kaba dei, ba me dei u nong Samaria bad ba me don u ksuid hapoh jong me?”

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 10:28

U la ong ha ki, “Phi hi phi tip bha ba la khang ïa u Jiw da ka niam jong u ban leit jngoh lane ïajan bad ki Jentil. Hynrei U Blei u la pyn-i ha nga ba ngam dei ban ñiew bymkhuid ne basang kat kum ka jinglehniam ïa uno uno u briew.

KI KAM 10:32

Phah ïano ïano sha Joppa ban shem ïa u briew uba ka kyrteng pura ka long u Simon Petros. U shong basa ha ka ïing jong u Simon, u nongpdem snieh, uba shong basah harud duriaw.’