ÏOANNIS 4:6 - Khasi CL Bible (BSI)

⁶ Ka pukri u Jakob ka la don hangta, bad U Jisu, uba la thait na kata ka jingleit, u la shongthait harud kata ka pukri. Ka long kumba shiteng sngi.

KA BAIBL

⁶ Te hangta ka la don ka pukri u Jakob. U Jisu, namar kata, ba u la thait na kata ka jingleit, u la shong kumta halor kata ka pukri: te ka la long hamar kaba hynriew baje.

ÏOANNIS 4:6 ပူးပေါင်းရင်းမြစ်များ

MATHAÏOS 27:45

Ha ka por shiteng sngi, ïa ka ri baroh kawei la tap da ka jingdum kaba la neh lai kynta.

MATHAÏOS 4:2

Hadien ba u la pynlut sawphew sngi bad sawphew miet khlem jingbam, U Jisu u la thngan.

MATHAÏOS 8:24

Kynsan kynsan ka 'erïong kaba jur ka la beh halor ka duriaw, bad ka lieng ka la don ha ka jingma ban sa ngam. Hynrei U Jisu u la ïohthiah.

LOUKAS 2:7

Ka la kha ïa u khun nyngkong jong ka bad ka la sop ïa u da ki jaiñsop, bad ka la pynthiah ïa u ha ka shyngoid — ym shym don jaka ïa ki ha ka kamra sah.

LOUKAS 9:58

U Jisu u la ong ha u, “Ki myrsiang ki don ki thliew, bad ki sim ki don ki skum, hynrei U Khun U Briew um don hangno hangno ban thiah bad pynjahthait.”

ÏOANNIS 11:9

U Jisu u la ong, “Hato ym don khat-ar kynta ha ka shi sngi? Kumta uno uno uba ïaid haba dang shai ka sngi un ym jynthut, naba u ïohi ïa ka jingshai jong kane ka pyrthei.

ÏOANNIS 4:12

Dei u Jakob, u kpa tymmen jong ngi uba la ai ïa ngi ïa kane ka pukri; ma u bad ki khun shynrang jong u bad ki jingri jong u baroh ki la dih na ka. Hato me kam ba me long kham khraw ban ïa u Jakob?”

ÏOANNIS 4:5

Ha Samaria u la leit poi ha ka shnong kaba kyrteng ka Sikhar, ka bym jngai na ka lyngkha kaba u Jakob u la ai ha u Joseph, u khun jong u.

ÏOANNIS 4:7

Ka nong Samaria ka la wan ban tong um, bad U Jisu u la ong ha ka, “To ai um ba ngan dih.”

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.