ÏOANNIS 4:23 - Khasi CL Bible (BSI)

²³ Hynrei ka por ka poi bad ka la lah long mynta, haba ha ka bor jong U Mynsiem U Blei ki briew kin mane ïa U Kpa kumba u long hi, da kaba ai ha u ïa ka jingmane kaba shisha kaba u dawa.

KA BAIBL

²³ Hynrei, ka por ka jia, bad ka long mynta keiñ, haba ki nongïamane Blei kiba shisha kin ïamane ïa U Kpa ha ka mynsiem bad ha kaba shisha; naba U Kpa ruh u wad ïa kiba kum kita ban ïamane ïa u.

ÏOANNIS 4:23 ပူးပေါင်းရင်းမြစ်များ

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

SALM 147:11

hynrei u sngewbha ha kito kiba pyndonburom ïa u, ha kito kiba shaniah ha ka jingieit baneh jong u.

SALM 17:1

To shahshkor, A Trai, ïa ka jingkyrpad jong nga ïa ka jingbishar hok; to sngap ïa ka jingkyang jong nga ban ïoh jingïarap! To shahshkor ïa ka jingduwai sngur mynsiem jong nga.

SALM 32:2

Suk uta u briew ïa uba U Trai um shym mudui ïa ka jingleh bymdei bad ha uba la pyllaitluid na ka jingshukor baroh.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

JINGRWAI SOLOMON 2:14

Phi long kum ka lyngdkhur kaba rieh ha ki khap jong u mawsiang. Ai ngan ïohi ïa ka durkhmat ba-bhabriew jong phi bad ïohsngew ïa ka sur bakhring jong phi.

ISAÏAH 10:20

Ka por ka poi ha kaba ki paid Israel kiba la lait im kin ym shaniah shuh ha ka jaitbynriew kaba la jan pynjot thiaw ïa ki. Da shisha kin buh ka jingshaniah jong ki ha U Trai, U Blei bakhuid jong ka Israel.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 43:21

Ki long ki briew ba nga la pynlong na ka bynta ïa lade, bad ki rwai ïa ka jingïaroh jong nga!”

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

ESEKIEL 22:30

Nga wad ïa uno uno uba lah ban tei ïa ka kynroh, uba lah ban ïeng ha ki jaka ha kaba ki kynroh ki twa bad ban ïada ïa ka ri haba ka jingbitar jong nga ka la jan ban pynjot ïa ka, hynrei ngam shem ïano ïano ruh.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

ÏOANNIS 16:32

Ka por kan poi, bad ka la lah long mynta, haba ïa phi baroh yn sa pynsakma, uwei pa uwei sha la ka jong ka ïing, bad ngan shah iehnoh tang marwei. Hynrei ngam long shisha marwei, namar U Kpa u long lem bad nga.

ÏOANNIS 4:21

U Jisu u la ong ha ka, “To ngeit ïa nga, ko ka briew, ba ka por kan poi haba ki briew kin ym mane ïa U Kpa halor une u lum ne ha Jerusalem.

ÏOANNIS 5:25

Nga ong ha phi ïa ka jingshisha: Ba ka por kan poi — ka por ka la lah poi — haba kiba ïap kin ïohsngew ïa ka sur jong U Khun U Blei, bad kito kiba ïohsngew ïa ka kin ïoh im.

ÏOANNIS 5:28

Wat sngewlyngngoh ha kane; ba ka por kan wan haba baroh kiba ïap kin ïohsngew ïa ka sur jong u bad kin mihnoh na ki jingtep jong ki: Kito kiba la leh ïa kaba bha kin mihpat bad kin im, bad kito kiba la leh ïa kaba sniew kin mihpat bad yn pynrem ïa ki.

Ka Shithi U Paul Sha Ki Nong Rom 1:9

U Blei u long u sakhi jong nga ba kaei kaba nga ong ka long kaba shisha — U Blei ïa uba nga shakri da ka dohnud jong nga baroh da kaba ïalap ïa ka Khubor Babha shaphang U Khun jong u. U Blei u tip ba nga kynmaw ïa phi man ba nga duwai.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

Ka Shithi U Paul Sha Ki Nong Rom 8:26

Ha kajuh ka rukom ruh U Mynsiem u wan ban ïarap ïa ngi, ha ka jingtlot kaba ngi don. Naba ngim tip kumno ngi dei ban duwai; U Mynsiem hi da lade u ïasaid bad U Blei na ka bynta jong ngi ha ki jingud kiba ki ktien kim lah ban pynpaw.

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

EPHESOS 6:18

To leh ïa kane baroh ha ka jingduwai, da kaba kyrpad ïa ka jingïarap jong U Blei. Duwai ha ki por baroh, katba U Mynsiem u ïalam. Namar kane ka daw, to sharai bad wat kynran dien; duwai borabor na ka bynta ki briew jong U Blei baroh.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 SAMUEL 12:24

Kohnguh ïa U Trai bad shakri hok ïa u da ka dohnud jong phi baroh. To kynmaw ïa kiei kiei kiba khraw kiba u la leh na ka bynta jong phi.