ÏOANNIS 4:22 - Khasi CL Bible (BSI)

²² Phi ki nong Samaria phim da tip shai ïano phi mane; hynrei ma ngi ki Jiw ngi tip ïano ngi mane, namar ka long na ki Jiw ba ka jingpynim ka wan.

KA BAIBL

²² Phi ïamane Blei kat kum ïa kaba phim tip; ngi ïamane Blei kat kum ïa kaba ngi tip; naba ka jingpynim ka long na ki Jiw.

ÏOANNIS 4:22 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

ESRA 4:2

Kumta ki leit ban ïakynduh ïa u Serubbabel bad ïa ki rangbah kur bad ki ong, “To ngin ïasnohkti lang bad phi ha ka jingtei ïa ka Templ. Ngi mane ïa ujuh U Blei uba phi mane, bad ngi ju ai ki jingkñia ha u naduh ka por u Esarhaddon, u patsha ka Assyria, uba phah ïa ngi ban shong ban sah hangne.”

SALM 147:19

U ai ïa ka khubor jong u sha ki briew jong u, ki jingbthah bad ki aiñ jong u ïa ki Israel.

SALM 68:20

U Blei jong ngi u long U Blei uba pynim; u long U Trai, u Trai jong ngi, uba pyllait im ïa ngi na ka jingïap.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

KI KAM 17:23

Naba katba nga dang ïaid lyngba ka nongbah jong phi bad khmih ïa ki jaka ha kiba phi mane, nga la lap ïa ka duwan ha kaba la thoh, ‘Ha U Blei uba ngim tip.’ Te ïa uta ïa uba phi mane, wat haba phim tip ïa u, ïa une keiñ nga pynbna mynta ha phi.

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

KI KAM 3:26

Bad kumta U Blei u la jied ïa la u Shakri bad u la phah ïa u nyngkong ha phi, ban kyrkhu ïa phi da kaba pynlong ïa uwei pa uwei na phi ban phai noh na ki lynti bymman jong u.”

Ka Shithi U Paul Sha Ki Nong Rom 11:18

Kumta te, phim dei ban ñiewbeiñ ïa kito kiba la pynkheiñ noh kum ki tnat. Kumno phi lah ban sngewsarong? Phi long tang ka tnat; phim kyrshan ïa ki thied — ki thied ki kyrshan ïa phi.

HEBRU 7:14

Ka long kaba la tip bha ba ïa u la kha kum u dkhot jong ka jait Judah; bad u Moses um shym kdew ïa kane ka jait haba u la kren shaphang ki lyngdoh.