ÏOANNIS 4:20 - Khasi CL Bible (BSI)

²⁰ “Ki kpa tymmen nong Samaria jong nga ki la ïamane ïa U Blei halor une u lum, hynrei phi ki Jiw phi ong ba ka Jerusalem ka dei ka jaka ha kaba ngi dei ban mane ïa U Blei.”

KA BAIBL

²⁰ ki kpa jong ngi ki la ïamane Blei halor une hi u lum; phi te phi ong, ba ha Jerusalem ka long kata ka jaka ha kaba dei ban mane Blei.”

ÏOANNIS 4:20 ပူးပေါင်းရင်းမြစ်များ

1 SYIEM 9:3

U Trai u ong ha u, “Nga la shahshkor ïa ka jingduwai bad jingkyrpad rit jong me. Nga la pynkyntang ïa kane ka ïing kaba me la tei kum ka jaka ha kaba yn mane ïa nga junom. Ngan peit ïa ka bad ngan don hangta borabor.

1 KHRONIKL 21:26

U la tei hangta ïa ka duwan ha U Trai bad u la ai ki jingainguh thang bad ki jingainguh ïasyllok. U la duwai, bad U Trai u la jubab ïa u da kaba phah ïa ka ding na bneng ban thang ïa ki jingainguh halor ka duwan.

1 KHRONIKL 22:1

Kumta u Dabid u ong, “Kane ka dei ka jaka ha kaba ka Templ jong U Trai U Blei kan don. Hangne ka don ka duwan ha kaba ki paid Israel ki dei ban ai ki jingainguh thang.”

2 KHRONIKL 6:6

Hynrei mynta nga la jied ïa ka Jerusalem kum ka jaka ha kaba yn mane ïa nga, bad ïa me, Dabid, ban synshar ïa ki briew jong nga.’”

2 KHRONIKL 7:12

U Trai u wanpaw ha u Solomon mynmiet. U ong ha u, “Nga la ïohsngew ïa ka jingduwai jong me, bad nga la pdiang ïa kane ka Templ kum ka jaka ha kaba yn ai ïa ki jingkñia ha nga.

2 KHRONIKL 7:16

namar nga la jied ïa ka bad nga la pynkyntang ïa ka kum ka jaka ha kaba yn mane ïa nga junom. Ngan khmih halor jong ka bad ïada ïa ka ha ki por baroh.

SALM 132:13

U Trai u la jied ïa ka Seïon; u kwah ba kan long ka jaka shong jong u:

SALM 78:68

Pynban u la jied ïa ka jait Judah bad ïa u lum Seïon, uba u ieit eh.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

LOUKAS 9:53

Hynrei ki briew hangta kim kwah ban pdiang ïa u, namar ka la paw shai ba u la don ha ka lynti sha Jerusalem.

ÏOANNIS 4:12

Dei u Jakob, u kpa tymmen jong ngi uba la ai ïa ngi ïa kane ka pukri; ma u bad ki khun shynrang jong u bad ki jingri jong u baroh ki la dih na ka. Hato me kam ba me long kham khraw ban ïa u Jakob?”

DEUTERONOMI 11:29

Ynda U Trai u wan ïalam ïa phi sha kata ka ri kaba phin ïohkynti, phin pynbna ïa ka jingkyrkhu nalor u lum Gerisim bad ïa kata ka jingtim nalor u lum Ebal.

DEUTERONOMI 27:12

“Ynda phi la jam ïa ka wah Jordan, kine ki jait ki dei ban ïeng ha u lum Gerisim katba nang pynbna ïa ki jingkyrkhu: ka jait Simeon, ka jait Lebi, ka jait Judah, ka jait Issakhar, ka jait Joseph, bad ka jait Benjamin.