ÏOANNIS 4:14 - Khasi CL Bible (BSI)

¹⁴ Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

KA BAIBL

¹⁴ hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

ÏOANNIS 4:14 ပူးပေါင်းရင်းမြစ်များ

ISAÏAH 49:10

Kin ym shahthngan lane sliang shuh. Ka jingshit jong ka sngi bad ka ri shyiap kin ym pynjynjar ïa ki, namar yn ïalam ïa ki da uta uba ieit ïa ki. Un ïalam ïa ki sha ki umpohliew.

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

ISAÏAH 58:11

Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

ESEKIEL 47:9

Shano shano ba ka wahduid ka tuid, yn don bun jait ki mrad bad ki dohkha. Ka wahduid kan pynlong bha ïa ka um jong ka Duriaw Baïap, bad shano shano ba ka tuid, kan wallam jingim.

LEBITIKOS 11:36

hynrei ka umpohliew lane ka pung tong um ka ïaisah hi kaba khuid, wat la kiwei pat kiba kum dei bad ki metïap jong ki, ki kylla long ki bymkhuid.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

ÏOANNIS 10:10

U nongtuh u wan tang ban ïoh tuh, ban pynïap bad ban pynjot. Nga la wan khnang ba phin ïoh ïa ka jingim — ka jingim ha ka jingdap kyrhai jong ka.

ÏOANNIS 11:26

Hato pha ngeit ïa kane?”

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:11

“Ko kynrad,” kata ka briew ka la ong, “mem don ïa ka jingtong, bad ka pukri ka long kaba jylliew. Nangno men ïoh ïa kata ka um kaba ai jingim?

ÏOANNIS 4:13

U Jisu u la jubab, “Uno uno uba dih na kane ka um un sliang pat, hynrei uno uno uba dih na ka um kaba ngan ai ha u un ym sliang shuh.

ÏOANNIS 4:36

Uta uba ot u ïoh la ka bainong bad u lum ïa ka jingmih na ka bynta ka jingim bymjukut; ba uta uba bet bad uta uba ot kin ïakmen lang.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

ÏOANNIS 6:35

“Nga, nga long u kpu ka jingim,” U Jisu u la ïathuh ïa ki. “Kito kiba wan sha nga da lei lei kin ym thngan; kito kiba ngeit ha nga da lei lei kin ym sliang.

ÏOANNIS 6:58

Une te, u long u kpu uba la wan hiar na bneng; um long kum uta u kpu uba ki kpa tymmen jong phi ki la bam, hynrei hadien ki la ïap. Uta uba bam ïa une u kpu un im junom.”

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

2 KORINTH 1:22

uba la shon ïa ka shab jong ka jinglong trai halor jong ngi, bad uba la ai ïa U Mynsiem Bakhuid ha ki dohnud jong ngi kum ka jingbahkhlieh ïa kata baroh kaba u la buh tyngkai na ka bynta jong ngi.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 7:16

Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”