ÏOANNIS 3:8 - Khasi CL Bible (BSI)

⁸ Ka lyer ka beh kat sha kaba ka mon; me ïohsngew ïa ka jingsawa ba ka pynmih, hynrei mem tip nangno ba ka wan lane shaei ba ka leit. Ka long kumta ïa uwei pa uwei ïa uba la kha na U Mynsiem.”

KA BAIBL

⁸ ka lyer ka beh kat sha kaba ka mon, bad me ïohsngew ïa ka jingsawa jong ka, hynrei, mem tip nangno ka wan, lymne shano ka leit: kumta long u briew baroh uba la kha na U Mynsiem.”

ÏOANNIS 3:8 ပူးပေါင်းရင်းမြစ်များ

SALM 107:25

U hukum, bad ka lyer bah ka sdang ban beh bad pynmih ki jingat phyllung.

SALM 107:29

U pynjai jai ïa ka 'erïong kaba jur, bad ki jingat phyllung ki long jai jai.

SALM 135:7

U wanrah ïa ki lyoh 'erïong na kiba kut ka pyrthei; u pynlong leilieh ïa ki 'erïong, bad u wanrah shabar ïa ka lyer na la ka jaka buh.

EKLESIASTIS 1:6

Ka lyer ka beh shaphang shathie, ka lyer ka beh shaphang shatei — tawiar pyllun ka wan biang.

ESEKIEL 37:9

U Blei u la ong ha nga, “Ko khun u briew, to ïathuhlypa ha ka lyer. To ïathuh ha ka lyer ba U Trai Nongsynshar u hukum ïa ka ba kan wan na baroh sawdong, ban pyrsad mynsiem ha kine ki metïap, bad ban wallam pat ha ki ïa ka jingim.”

ÏOANNIS 1:13

Kim shym la long ki khun U Blei katba kum ka rukom, kata, da kaba kha kum ki khun u kpa ha ka doh; U Blei hi u la long U Kpa jong ki.

ÏOANNIS 3:7

Wat sngewlyngngoh namar ba nga ong ha me, ba ka dei ban kha pat ïa phi baroh.

ÏOANNIS 3:9

“Kumno kane ka lah ban long?” la kylli u Nikodemos.

KI KAM 2:2

Kynsan la don ka jingsawa na sahit bneng kaba sawa kum ka jingbeh ka lyer bajur, bad ka la pyndap ïa ka ïing baroh kawei ha kaba ki la ïashong.

KI KAM 4:31

Haba ki la dep duwai, ka jaka ha kaba ki la ïakynduh ka la khynñiuh. La pyndap ïa ki baroh da U Mynsiem Bakhuid bad ki la sdang ban pynbna ïa ka khubor U Blei da ka jingshlur.

1 KORINTH 12:11

Hynrei dei tang uwei bad ujuh hi U Mynsiem uba leh ïa kane baroh; ha ka mon jong u, u ai ïa ka jingai bapher ha uwei pa uwei.

1 KORINTH 2:11

Ka dei tang ka mynsiem kaba hapoh u briew hi, kaba tip ïa baroh shaphang jong u; ha kajuh ka rukom, tang U Mynsiem U Blei, uba tip ïa baroh shaphang U Blei.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.