ÏOANNIS 3:36 - Khasi CL Bible (BSI)

³⁶ Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

KA BAIBL

³⁶ Uta uba ngeit ha U Khun, u don ka jingim bymjukut; uta te u bymkohnguh ïa U Khun, un ym ïohi ïa ka jingim: hynrei, ka jingbitar jong U Blei ka ïaisah halor jong u.

ÏOANNIS 3:36 ပူးပေါင်းရင်းမြစ်များ

Ka Kitab U Job 33:28

U la bat ïa nga na ka ban leit hiar sha ka pyrthei kiba ïap, bad mynta nga dang im.”

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 36:9

Me long ka tyllong jong ka jingim baroh; bad namar ka jingshai jong me ngi ïohi ïa ka jingshai.

SALM 49:19

un ïadon lang bad ki kpa tymmen jong u baroh ha ka jingïap, ha kaba ka jingdum ka neh junom.

HABAKKUK 2:4

Bad kane ka dei ka khubor: ‘Kito kiba bymman kin ym lait im, hynrei kito kiba hok kin im namar ki long kiba ïaineh ha U Blei.’”

JINGKHEIÑ 32:11

‘Nga smai ba namar kim shym la kohnguh ïa nga, uwei ruh na ki rangbah uba arphew snem lane kham heh uba la wan na Ijipt un ym ïohrung sha ka ri kaba nga la kular ha u Abraham, u Isaak, bad u Jakob.’

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MARKOS 16:16

Ïa uno uno uba ngeit bad uba shah pynbaptis, yn pynim; ïa uno uno u bymngeit, yn pynrem.

LOUKAS 2:30

Da la ki jong ki khmat nga la ïohi ïa ka jingpynim jong me,

LOUKAS 3:6

U khunbynriew baroh u dei ban ïohi ïa ka jingpynim ka jong U Blei!’ ”

ÏOANNIS 1:12

Katto katne pat, ki la pdiang ïa u bad ki la ngeit ha u; kumta u la ai bor ha ki, ban long ki khun U Blei.

ÏOANNIS 10:28

Nga ai ha ki ïa ka jingim bymjukut, bad kin ym ïap da lei lei ruh. Ym don uno uno uba lah ban knieh noh ïa ki na nga.

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 4:36

Uta uba ot u ïoh la ka bainong bad u lum ïa ka jingmih na ka bynta ka jingim bymjukut; ba uta uba bet bad uta uba ot kin ïakmen lang.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

ÏOANNIS 6:58

Une te, u long u kpu uba la wan hiar na bneng; um long kum uta u kpu uba ki kpa tymmen jong phi ki la bam, hynrei hadien ki la ïap. Uta uba bam ïa une u kpu un im junom.”

ÏOANNIS 8:51

Nga ong ha phi ïa ka jingshisha: Uno uno uba kohnguh ïa ka jinghikai jong nga un ym ïap lano lano ruh.”

KI KAM 14:2

Hynrei ki Jiw ki bym shym la ngeit ki la pynkhih ïa ki Jentil bad ki la pynlong ïa ki ban ïaleh pyrshah ïa riewngeit.

Ka Shithi U Paul Sha Ki Nong Rom 4:15

Ka Hukum ka pynjem ïa ka jingbitar U Blei; hynrei hangno hangno ka ha bym don ka Hukum, ym don ka jingbymkohnguh ïa ka hukum.

Ka Shithi U Paul Sha Ki Nong Rom 5:9

Da ka jingïap ba aiti lut jong u, mynta la pynlong ka jingïadei hapdeng jong ngi bad U Blei; katno tam te, ngin long kiba lait im da u na ka jingbitar U Blei!

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

GALATIA 3:10

Kita kiba shaniah ha kaba kohnguh ïa ka Hukum ki im hapoh ka jingtim. Naba ka Jingthoh Bakhuid ka ong, “Uno uno ruh u bym ïai kohnguh ïa baroh kaba la thoh ha ka kitab ka Hukum u long hapoh ka jingtim U Blei!”

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

1 THESSALONI 5:9

U Blei um shym jied ïa ngi ban shah ïa ka jingbitar jong u, hynrei ban ïoh ïa ka jingpynim lyngba U Jisu Khrist uba U Trai jong ngi,

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

HEBRU 3:18

Haba U Blei u la pynlong ïa ka jingkular bakyntang jong u, “Kin ym ïohrung da lei lei sha ka ri ha kaba ngan ai ïa ki ïa ka jingjahthait” — ïano u kren? Ïa kita kiba la ïaleh pyrshah.

HEBRU 3:19

Kumta ngi ïohi ba kim shym la lah ban leit rung shapoh kata ka ri, namar kim shym la ngeit.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”