ÏOANNIS 3:34 - Khasi CL Bible (BSI)

³⁴ Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

KA BAIBL

³⁴ Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

ÏOANNIS 3:34 ပူးပေါင်းရင်းမြစ်များ

2 SYIEM 2:9

Hangta, u Elijah u ong ha u Elisha, “To ong ha nga kaei me kwah ïa nga ban leh na ka bynta jong me ha shuwa ba yn shim noh ïa nga.” “Ai ngan ïohpdiang ïa ka bhah jong ka bor jong phi ka ban pynlong ïa nga u nongmih bujli jong phi,” u Elisha u jubab.

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

LEBITIKOS 7:35

Kane ka long ka bynta jong ka jingbam ba la ainguh sha U Trai ïa kaba la ai ha u Aaron bad ki khun jong u ha kata ka sngi ba pynkyntang ïa ki kum ki lyngdoh.

JINGKHEIÑ 11:25

Nangta U Trai u wan hiar ha u lyoh bad u la kren ïa u. U la shim khyndiat ka bor mynsiem kaba u la ai ha u Moses bad u ai ïa ka ha kita ki hynñiewphew ngut ki nongïalam. Haba kata ka bor mynsiem ka la wan shong ha ki, ki sdang ban pyrta jam kum ki nongïathuhlypa, hynrei tang shipor.

MATHAÏOS 12:18

“Une hangne u long u shakri jong nga, ïa uba nga la jied, uta uba nga ieit, bad ha uba nga sngewbha eh. Ngan phah ïa U Mynsiem jong nga halor jong u, bad un pynbna ïa ka jingbishar jong nga ha ki jaitbynriew.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

ÏOANNIS 1:16

Na ka jingdap jong ka jingaiei jong u, u la kyrkhu ïa ngi baroh, da kaba ai ha ngi ïa ka jingkyrkhu kawei hadien kawei pat.

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 16:7

Hynrei nga ïathuh ha phi ïa ka jingshisha: Ka kham bha ïa phi ba nga leit noh, namar lada ngam leit noh, U Nongïarap un ym wan sha phi. Hynrei lada nga leit noh, te ngan phah ïa u sha phi.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 5:26

Kumba U Kpa da lade hi u long u tyllong jong ka jingim, ha kajuh ka rukom u la pynlong ïa U Khun jong u ban long u tyllong jong ka jingim.

ÏOANNIS 7:16

U Jisu u la jubab, “Kaei kaba nga hikai kam dei na ka jinghikai jong nga hi, hynrei ka wan na U Blei, uba la phah ïa nga.

ÏOANNIS 8:40

Baroh kaba nga la lah leh ka long ban ïathuh ha phi ïa ka jingshisha kaba nga la ïohsngew na U Blei, pynban phi pyrshang ban pynïap ïa nga. U Abraham um shym la leh ïa kaba kum kane!

ÏOANNIS 8:47

Uta uba wan na U Blei u shahshkor ïa ki ktien U Blei. Phi, pynban, phim dei na U Blei, bad dei na kata ka daw balei ba phim shahshkor.”

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

KOLOSSAI 1:19

Naba ka la long da ka jingrai ka jong U Blei hi ba U Khun u la don ha lade hi ïa ka jinglong ba-pura jong U Blei.

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot