ÏOANNIS 3:29 - Khasi CL Bible (BSI)

²⁹ Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

KA BAIBL

²⁹ U nongleit-kurim u long uta uba ïoh ïa ka nongleit-kurim: hynrei, u lok jong u nongleit-kurim, uba ïeng bad uba ïohsngew ïa u, u kmen shibun namar ka ktien uta u nongleit-kurim: namar kata, kane ka jingkmen ka jong nga ka la biang.

ÏOANNIS 3:29 ပူးပေါင်းရင်းမြစ်များ

JINGRWAI SOLOMON 3:11

Ko ki kynthei ka Seïon, to wan bad khmih ïa u syiem Solomon. U da phong ïa ka pansngiat kaba ka kmie jong u ka la buh halor ka khlieh jong u ha ka sngi kyntiew kurim jong u, ha ka sngi ka jingsngewbha bad ka jingkmen jong u.

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

ISAÏAH 66:11

Phin ïoh leh sngewbha ha ka jingdap kyrhai jong ka, kum i khunlung ha ka shadem ka kmie jong i.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

HOSIA 2:19

Ko Israel, ngan pynlong ïa pha ka tnga jong nga; ngan lehhok bad ïaineh; ngan pyn-i ïa pha ïa ka jingieit baneh bad ïa ka jingisynei bad ngan pynlong ïa pha ka jong nga junom.

MATHAÏOS 22:2

“Ka Hima ki bneng ka long kumne. Shisien la don u syiem uba la pynkhreh ka jingkhawai shongkurim na ka bynta u khun jong u.

MATHAÏOS 25:1

“Ha kata ka por ka Hima ki bneng kan long kumne. Shisien la don shiphew ngut ki theisotti kiba la rah ïa la ki sharak bad ki la mih ban ïashem ïa u nongleitkurim.

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

LOUKAS 15:6

Nangta u khot lang ïa ki paralok bad ïa ki paramarjan jong u bad u ong ha ki, ‘Nga kmen haduh katta katta ba nga la shem ïa ka langbrot jong nga kaba la jah. To ngin ïalehkmen!’

ÏOANNIS 15:11

“Nga la ïathuh ha phi ïa kane khnang ba ka jingkmen jong nga kan ïoh long ha phi bad ba ka jingkmen jong phi kan long kaba dap pura.

ÏOANNIS 16:24

Haduh mynta phim ju pan ei ei ha ka kyrteng jong nga; to pan bad phin ïohpdiang, khnang ba ka jingkmen jong phi kan ïoh long kaba dap pura.

ÏOANNIS 17:13

Bad mynta nga wan noh sha me, bad nga ong ïa kine kiei kiei ha ka pyrthei khnang ba kin lah ban ïoh ïa ka jingkmen jong nga ha ki dohnud jong ki ha ka jingdap pura baroh.

ÏOANNIS 3:30

Ka dei ïa u ban long kham khraw katba ma nga, ngan long kham rit.”

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

PHILIPPI 2:2

Te, nga kyrpad ïa phi, ban pynshlei ïa ka jingkmen jong nga da kaba don kijuh ki jingpyrkhat, kiba ïasam ïa kajuh ka jingieit, bad kiba don kawei ka mynsiem bad ka jingmut.

1 ÏOANNIS 1:4

Ngi thoh ïa kane khnang ba ka jingkmen jong ngi kan long kaba dap pura.

2 ÏOANNIS 1:12

Nga don shibun eh ban ïathuh ha phi, hynrei ngan ym leh ïa kata ha ka kot bad ka sia; pynban, nga kyrmen ban da wan jngoh ïa phi bad ïakren markhmat bad phi, ba ka jingkmen jong ngi kan ïoh long kaba dap pura.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”