ÏOANNIS 21:23 - Khasi CL Bible (BSI)

²³ Kumta ka khubor ka la pur hapdeng ki nongbud jong U Jisu ba une u synran un ym ïap. Hynrei U Jisu um shym ong ba un ym ïap; u la ong, “Lada nga mon ïa u ba un im tad ynda nga wan, ka pher aïu ïa me?”

KA BAIBL

²³ Namar kata, la phriang kane ka jingong hapdeng ki parabangeit, ba uta u synran un ym ïap: hynrei, U Jisu um shym la ong ha u ba un ym ïap, hynrei, “Lada nga mon ba un sah tad ynda nga wan, ka pher aïu ïa me?”

ÏOANNIS 21:23 ပူးပေါင်းရင်းမြစ်များ

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

Ka Kitab U Job 33:13

Balei ba phi kynnoh ïa U Blei ba um ju jubab ïa ki jingkhñium u briew?

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

KI KAM 28:14

Ngi la shem katto katne ngut ki parabangeit hangta kiba la kyrpad ïa ngi ban sah bad ki shi taïew. Bad kumta ngi la ïawan sha Rom.

KI KAM 6:3

Kumta te, ko hynmen ko para, to jied hynñiew ngut ki rangbah napdeng jong phi ïa kiba la ithuh ba ki long kiba dap da U Mynsiem Bakhuid bad ka jingstad, bad ngin buh ïa ki ban khmih ïa kane ka kam.

1 KORINTH 11:26

Kane ka mut ba man ba phi bam ïa une u kpu bad phi dih na kane ka khuri phi pynbna ïa ka jingïap U Trai tad ynda un wan.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

DEUTERONOMI 29:29

“Don kiei kiei kiba U Trai U Blei jong ngi u dang buhrieh na ka jingtip u briew; hynrei u la pynpaw ïa ka Aiñ jong u, bad ma ngi lem bad ki khun ki ksiew jong ngi, ngi dei ban kohnguh ïa ka junom.

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

JINGPYNPAW 2:25

Hynrei tad ynda ngan wan, pha dei ban batskhem ïa kaei kaba pha don.