ÏOANNIS 21:22 - Khasi CL Bible (BSI)

²² U Jisu u la jubab ïa u, “Lada nga mon ïa u ba un im tad ynda nga wan, ka pher aïu ïa me? To bud ïa nga!”

KA BAIBL

²² U Jisu u ïathuh ha u, “Lada nga mon ba un sah tad ynda nga wan, ka pher aïu ïa me? to bud ma me ïa nga.”

ÏOANNIS 21:22 ပူးပေါင်းရင်းမြစ်များ

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 24:27

Naba U Khun U Briew un wan kum ka leilieh kaba thaba na shiliang sha shiliang ka sahit bneng, na mihngi sha sepngi.

MATHAÏOS 24:3

Katba U Jisu u dang shong halor u lum ki Olib, ki synran ki la wan sha u ha kaba jar jar. “To ïathuh ha ngi lano kane baroh kan long,” ki la kylli, “bad kaei ka ban jia ban pyn-i ba ka la dei ka por ïa ka jingwan jong me bad kaba kut ka Ïa.”

MATHAÏOS 24:44

Kumta te, phi dei ban long kiba ïai pynkhreh, namar ba U Khun U Briew un wan ha ka kynta kaba phim shym khmih lynti ïa u.

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 8:22

“Bud ïa nga,” U Jisu u la jubab, “bad ai kiba ïap kin tep ïa kiba ïap jong ki.”

MARKOS 9:1

Bad u la ong shuh shuh, “Nga ong ïa phi, ki don katto katne ngut hangne ki ban ym ïap haduh ba kin da ïohi ïa ka Hima U Blei ba ka wan ha ka bor.”

ÏOANNIS 21:19

(Ha kaba ong kumne, U Jisu u la kdew kaba kumno u Petros un ïap bad pyndonburom ïa U Blei.) Te U Jisu u la ong ha u, “To bud ïa nga!”

ÏOANNIS 21:21

Haba u Petros u la ïohi ïa u, u la kylli ïa U Jisu, “Ko Trai, kumno shaphang une u briew?”

1 KORINTH 11:26

Kane ka mut ba man ba phi bam ïa une u kpu bad phi dih na kane ka khuri phi pynbna ïa ka jingïap U Trai tad ynda un wan.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

1 THESSALONI 2:19

Nalor baroh, dei ma phi — ma phi keiñ, khlem duna ïa kiwei pat! — kiba long ka jingkyrmen jong ngi, ka jingkmen jong ngi, bad ka daw jong ngi ban sngewsarong ïa ka jingjop jong ngi ha khmat jong U Jisu uba U Trai jong ngi haba u wan.

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

JAKOB 5:8

Phi ruh phi dei ban long kiba ïaishah. To batskhem ïa ki jingkyrmen jong phi, naba ka sngi ka jingwan U Trai ka la jan.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 2:25

Hynrei tad ynda ngan wan, pha dei ban batskhem ïa kaei kaba pha don.

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”

JINGPYNPAW 3:11

Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.