ÏOANNIS 21:20 - Khasi CL Bible (BSI)

²⁰ U Petros u la phai sawdong bad u la ïohi hadien jong u ïa uta uwei pat u synran, ïa uba U Jisu u ieit — uta uba la shong shaniah ha U Jisu ha ka jingïabam miet bad uba la kylli, “Ko Trai, uei u ban sa shetkylla ïa me?”

KA BAIBL

²⁰ U Petros te haba u la kyrtiang, u ïohi ïa uta u synran ïa uba U Jisu u ieit ba u da bud, uba la shaniah ruh ha ka shadem jong U ha kata kaba bam ja miet, bad uba la kylli, “Ko Trai, u long uei u ban sa die noh ïa me?”

ÏOANNIS 21:20 ပူးပေါင်းရင်းမြစ်များ

MATHAÏOS 26:46

To ïeng joit, ïa ngin leit noh. Ha khmih, hangne u don u briew uba shetkylla ïa nga!”

ÏOANNIS 20:2

Ka la leit mareh sha u Simon Petros bad sha uwei pat u synran, uba U Jisu u ieit, bad ka la ïathuh ha ki, “Ki la ïarah noh ïa U Trai na ka jingtep, bad ngim tip hangno ki la ïabuh ïa u!”

ÏOANNIS 21:21

Haba u Petros u la ïohi ïa u, u la kylli ïa U Jisu, “Ko Trai, kumno shaphang une u briew?”

ÏOANNIS 21:24

U long u synran uba la kren kine kiei kiei, uta uba la thoh ruh ïa kine; bad ngi tip ba kaei kaba u ong ka long kaba shisha.

ÏOANNIS 21:7

U synran ïa uba U Jisu u ieit u la ong ha u Petros, “U dei U Trai!” Haba u Petros u la ïohsngew ba dei U Trai, u tap da ka jaiñ ïa la ka met (naba u la loit noh ïa la ki jaiñphong) bad u la ryngkoh shapoh um.