ÏOANNIS 21:18 - Khasi CL Bible (BSI)

¹⁸ Nga ïathuh ha me ïa ka jingshisha: Haba me dang samla, me ju long uba la pynkhreh bad me leit kat shaba me mon; hynrei haba me la tymmen, men kner la ki jong ki kti bad uwei pat un teh un khum ïa me bad un ïalam ïa me sha kaba mem kwah ban leit.”

KA BAIBL

¹⁸ Shisha, shisha nga ong ha me, mynba me dang samla, me la panpoh ïa lade, bad me la ïaid kai kat shaba me mon; hynrei, ynda me la tymmen, men kner noh ïa ki kti jong me, te uwei pat un pynpanpoh ïa me, bad un bah ïa me sha kaba mem mon.”

ÏOANNIS 21:18 ပူးပေါင်းရင်းမြစ်များ

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

ÏOANNIS 13:36

“Ko Trai, shano men leit?” u Petros u la kylli ïa u. “Mem lah ban bud ïa nga mynta shano sha ba ngan sa leit,” U Jisu u la jubab; “hynrei hadien men sa bud ïa nga.”

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

ÏOANNIS 21:19

(Ha kaba ong kumne, U Jisu u la kdew kaba kumno u Petros un ïap bad pyndonburom ïa U Blei.) Te U Jisu u la ong ha u, “To bud ïa nga!”

KI KAM 21:11

U la wan sha ngi, u la shim ïa u panpoh jong u Paul, u la teh ïa la ki kti bad ki kjat da uta, bad u la ong, “Kane ka long kaei kaba U Mynsiem Bakhuid u ong: Ïa u trai jong une u panpoh yn teh ha kane ka rukom da ki Jiw ha Jerusalem, bad kin sa aiti ïa u ha ki Jentil.”

2 KORINTH 5:4

Katba ngi dang shong ha kane ka ïingjaiñ kaba na kane ka khyndew, ngi ud sat da ka jingsngew ba shah banbeiñ; kam dei ba ngi kwah ban lait noh na ka met kaba na ka khyndew, hynrei ba ngi kwah ban ïoh noh ban phong da kata kaba kynja bneng, khnang ba ïa kata kaba ïap yn ïoh pynkylla dur noh da kaba im.