ÏOANNIS 21:16 - Khasi CL Bible (BSI)

¹⁶ Ha ka sien kaba ar U Jisu u la ong ha u, “Ko Simon, u khun jong u Jona, me ieit ïa nga?” “Ho-oid, ko Trai,” u la jubab, “me tip ba nga ieit ïa me.” U Jisu u la ong ha u, “To sumar ïa ki langbrot jong nga.”

KA BAIBL

¹⁶ U ong pat ha u ka ba-ar sien, “Ko Simon, u khun u Jona, me ieit ïa nga?” U ïathuh ha U, “Ho-oid, ko Trai; me, me tip ba nga ieit ïa me.” U ïathuh ha u, “To ap ïa ki langbrot jong nga.”

ÏOANNIS 21:16 ပူးပေါင်းရင်းမြစ်များ

SALM 100:3

To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

SALM 95:7

U long U Blei jong ngi, ngi long ki briew kiba u sumar, ka kynhun langbrot kaba u pyndap. To sngap ha kane ka sngi ïa kaei kaba u ong:

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 2:6

“ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

MATHAÏOS 25:32

bad ïa ki briew jong ki jaitbynriew baroh yn lumlang ha khmat jong u. Nangta un phiah ïa ki ha ki ar kynhun, kumba u nongaplangbrot u pynïakhlad ïa ki langbrot na ki blang.

MATHAÏOS 26:72

Sa shisien u Petros u la len ïa kata bad u la jubab, “Nga smai ba ngam ithuh ïa uta u briew!”

LOUKAS 19:10

U Khun U Briew u la wan ban wad bad ban pynim ïa kiba la jah noh.”

ÏOANNIS 18:17

Kata ka khynnah ha ka khyrdop ka la ong ha u Petros, “Hato me ruh mem dei uwei na ki synran jong utai u briew?” “Em, ngam dei,” la jubab u Petros.

ÏOANNIS 18:25

U Petros u dang ïeng hangta ban pynsyaid ïa lade. Kumta kiwei pat ki la ong ha u, “Hato me ruh mem dei uwei na ki synran jong uta u briew?” Hynrei u Petros u la len ïa kata. “Em, ngam dei,” u la ong.

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

1 PETROS 5:2

Nga kyntu ïa phi ban long ki nongsharai ïa ka kynhun ïa kaba U Blei u la ai ha phi bad ban sumar ïa ka da ka mon sngewbha, kumba U Blei u kwah ïa phi, bad ym da kaba shu pynbor. Trei ïa la ka kam, ym tang na ka bynta ka bainong, hynrei na ka jingthrang ban shakri.