ÏOANNIS 21:12 - Khasi CL Bible (BSI)

¹² U Jisu u la ong ha ki, “To wan bad to ïabam.” Ym don uwei ruh na ki synran uba la nud ban kylli ïa u, “Me dei uei?” namar ki la tip ba u dei U Trai.

KA BAIBL

¹² U Jisu u ong ha ki, “Ale, to ïabam ja noh.” Hynrei, ym don na kita ki synran uba la sngewnud ban kylli bniah noh ïa u, “Me, me long uei?” naba ki tip ba u long U Trai.

ÏOANNIS 21:12 ပူးပေါင်းရင်းမြစ်များ

MATHAÏOS 22:46

Ym don uno uno uba lah ban ai kano kano ka jubab ïa U Jisu, bad naduh kata ka sngi ym don mano mano ba nud ban kylli jingkylli shuh ïa U Jisu.

MARKOS 9:32

Hynrei kim shym la sngewthuh aïu kane ka jinghikai ka kit jingmut, bad ki la sngewsheptieng ban kylli ïa u.

LOUKAS 9:45

Hynrei ki synran kim shym tip aïu kane ka kit jingmut. La buhrieh ïa ka na ki, khnang ba kin ym lah ban shemphang ïa ka, bad ki la sheptieng ban kylli ïa u shaphang kane.

ÏOANNIS 16:19

U Jisu u la tip ba ki la kwah ban kylli ïa u, kumta u la ong ha ki, “Nga la ong, ‘Sa tang shipor phin ym ïohi shuh ïa nga, bad nangta sa shipor hadien phin sa ïohi ïa nga.’ Hato dei kane kaba phi ïakylli para ma phi hi?

ÏOANNIS 21:11

U Simon Petros u la leit kiew ha ka lieng bad u la tan sha ryngkew ïa ka jar kaba la dap da ki dohkha kiba heh, baroh ki don shispah sanphew lai tylli; wat la ki la bun katta, pynban kata ka jar kam shym la kad.

ÏOANNIS 21:15

Hadien ba ki la dep bam, U Jisu u la ong ïa u Simon Petros, “Ko Simon, u khun jong u Jona, me kham ieit ma me ïa nga ban ïa kaba kine kiwei ki ieit?” “Ho-oid, ko Trai,” u la jubab, “me tip ba nga ieit ïa me.” U Jisu u la ong ha u, “To sumar ïa ki khunlangbrot jong nga.”

ÏOANNIS 4:27

Ha kata ka khyllipmat ki synran jong U Jisu ki la wan phai, bad ki la lyngngoh shikatdei eh ban lap ïa u ba u ïakren bad kata ka briew. Hynrei ym don na ki uba la ong ïa ka, “Pha kwah aïu?” lane uba la kylli ïa u, “Balei ba me ïakren bad ka?”

KI KAM 10:41

ym ha baroh, hynrei tang ha ki sakhi kiba U Blei u la lah jied, kata, ha ngi kiba la ïabam bad ïadih bad u hadien ba u la mihpat na ka jingïap.