ÏOANNIS 20:9 - Khasi CL Bible (BSI)

⁹ (Kim pat sngewthuh hi ïa ka Jingthoh Bakhuid kaba la ong ba u dei ban mihpat na ka jingïap.)

KA BAIBL

⁹ Namar kim pat shym la shemphang ïa Ka Jingthoh, ba ka dei ïa U, ban mihpat na ki baïap.

ÏOANNIS 20:9 ပူးပေါင်းရင်းမြစ်များ

SALM 16:10

namar me ïada ïa nga na ka bor jong ka jingïap. Nga la shakri hok ïa me, bad men ym iehnoh ïa nga ha ka pyrthei kiba ïap.

SALM 22:15

Ka ryndang jong nga ka la tyrkhong kum ka khyndew, bad u thylliej jong nga u dambit ha ka bynta ba haneng ha ka shyntur jong nga. Me la ieh ïa nga ban ïap ha ka khyndew.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

MATHAÏOS 22:29

U Jisu u la jubab ïa ki, “A katno phi long kiba bakla! Ka long namar ba phim tip ïa ki jingthoh bakhuid lane ïa ka bor U Blei.

LOUKAS 24:26

Hato kam long kaba donkam ïa U Messaïah ban shahshitom ïa kine kiei kiei baroh bad nangta ban rung sha ka burom jong u?”

LOUKAS 9:45

Hynrei ki synran kim shym tip aïu kane ka kit jingmut. La buhrieh ïa ka na ki, khnang ba kin ym lah ban shemphang ïa ka, bad ki la sheptieng ban kylli ïa u shaphang kane.

ÏOANNIS 2:22

Kumta haba la pynmihpat ïa u na ka jingïap, ki synran jong u ki la kynmaw ba u la lah ong ïa kane, bad ki la ngeit ïa ka Jingthoh Bakhuid bad ïa kaei kaba U Jisu u la ong.

KI KAM 17:3

da kaba sot bad batai ïa ki Jingthoh Bakhuid bad pynshisha na ki ba U Messaïah u la dei ban shahshitom bad ban mihpat na ka jingïap. “Une U Jisu ïa uba nga pynbna ha phi, u dei U Messaïah,” u Paul u la ong.

KI KAM 2:24

Hynrei U Blei u la pynmihpat ïa u na ka jingïap, da kaba pyllaitluid ïa u na ka bor jong ka, namar ka long ka bym lah long ba ka jingïap kan bat ïa u.

1 KORINTH 15:4

ba la tep ïa u bad ba la pynmihpat ïa u hadien lai sngi, kumba la thoh ha ki Jingthoh Bakhuid;