ÏOANNIS 20:26 - Khasi CL Bible (BSI)

²⁶ Shi taïew hadien ki synran ki la ïadon lang biang hapoh ïing, bad u Thomas u la don lem bad ki. Ïa ki jingkhang la khang skhem, hynrei U Jisu u la wan bad u la ïeng hapdeng jong ki bad u la ong, “To ka jingsuk kan long lem bad phi.”

KA BAIBL

²⁶ Te hadien phra sngi pat, ki synran jong u ki la ïadon hapoh ïing, bad u Thomas lem bad ki. U Jisu u la wan, haba la khang ïa ki jingkhang, bad u la ïeng hapdeng bad u la ong, “Long ka jingsuk ïa phi!”

ÏOANNIS 20:26 ပူးပေါင်းရင်းမြစ်များ

ISAÏAH 26:12

Men ai ïa ngi ka jingroi jingpar, A Trai; baroh kata kaba ngi pyndep ha ka jingjop ka long ka jingmih na kaei kaba me leh.

ISAÏAH 27:5

Hynrei lada ki nongshun jong ki briew jong nga ki kwah ïa ka jingïada jong nga, ai ba kin ïasuk bad nga. Ho-oid, ai kin ïasuk bad nga.”

ISAÏAH 54:10

Ki lumbah bad ki lumrit ki lah ban twa, hynrei ka jingieit jong nga ïa pha kan ym kut noh; ngan pynneh junom ïa la ka kular jong ka jingsuk.” Kumta te ong U Trai uba ieit ïa pha.

MATHAÏOS 17:1

Hadien hynriew sngi U Jisu u la ïalam bad u ïa u Petros bad ïa ki ar ngut shi para, u Jakob bad u Ïoannis bad u la ïalam ïa ki sha u lumbah uba jrong ha kaba ki la ïadon tang ma ki hi.

MARKOS 16:14

Khatduh eh, U Jisu u la mihpaw ha ki khatwei ngut ki synran katba ki dang ïabam. U la kren tyngeh ïa ki, namar kim shym la don jingngeit bad namar ka jingmutlop palat ïa ka ban ngeit ïa kito kiba la lah ïohi ïa u ba u im.

LOUKAS 24:36

Katba ki ar ngut ki dang ïathuh ha ki ïa kane, kynsan U Trai hi u la ïeng hapdeng jong ki bad u la ong ha ki, “Ka jingsuk lem bad phi.”

LOUKAS 9:28

Kumba shi taïew hadien ba u la kren ïa kine kiei kiei, U Jisu u la ïalam lem bad u ïa u Petros, u Ïoannis bad ïa u Jakob bad leit sha u lum ban duwai.

ÏOANNIS 11:16

U Thomas (ïa uba la khot uba Kha Synrap) u la ong ha la ki para synran, “Ïa ngin ïaleit baroh bad u Nonghikai, ba ngin ïa-ïap ryngkat bad u!”

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 20:19

Ka la long la kham janmiet jong ka Sngi U Trai, bad ki synran ki la ïalumlang hapoh ka kamra kaba la khang skhem, namar ba ki la sheptieng ïa ki nongsynshar jong ki Jiw. Nangta U Jisu u la wan bad u la ïeng hapdeng jong ki. “To ka jingsuk kan long lem bad phi,” u la ong.

ÏOANNIS 20:21

U Jisu u la ong pat ha ki, “To ka jingsuk kan long lem bad phi. Kumba U Kpa u la phah ïa nga, kumta ruh nga phah ïa phi.”

ÏOANNIS 21:1

Hadien kane, U Jisu u la paw sa shisien pat ha la ki synran hajan ka duriaw Tiberias. Kane ka long kumno ka la jia.

ÏOANNIS 21:14

Kane, te, ka la long ka sien kaba lai ba U Jisu u la paw ha ki synran hadien ba u la mihpat na ka jingïap.

KI KAM 1:3

Ha ki sawphew sngi hadien ka jingïap jong u, u la mihpaw bunsien ha ki ha ki rukom kiba la pynshisha khlem jingartatien ba u im. Ki la ïohi ïa u bad u la ïakren bad ki shaphang ka Hima U Blei.