ÏOANNIS 20:25 - Khasi CL Bible (BSI)

²⁵ Kumta kiwei pat ki synran ki la ïathuh ïa u, “Ngi la ïohi ïa U Trai!” U Thomas u la ong ha ki, “Lymda nga ïohi ïa ki dien preg ha ki kti jong u bad ïoh buh ïa ka shynriah'ti jong nga ha kito ki dien preg bad ïa ka kti jong nga ha ka krung jong u, ngan ym ngeit.”

KA BAIBL

²⁵ Namar kata, kita kiwei ki synran ki la ïa-ong ha u, “Ngi la ïohi ïa U Trai.” Hynrei, u la ïathuh ha ki, “Lymda ngan ïohi ha ki kti jong U ïa ka dien jong ki prek, bad buh ïa ka shynriah'ti jong nga ha kata ka dien jong kita ki prek, bad buh ïa ka kti jong nga de ha ka krung jong U, ngan ym ngeit.”

ÏOANNIS 20:25 ပူးပေါင်းရင်းမြစ်များ

Ka Kitab U Job 9:16

Pynban wat la katta, lada u shah ïa nga ban kren, Ngam lah ngeit ba un shahshkor ïa nga.

SALM 22:16

Ka kynhun ki riewsniew ka don sawdong ïa nga; kum ka kynhun ki ksew, ki don hajan jong nga; ki patar ïa ki kti bad ki kjat jong nga.

SALM 78:32

Nalor kane baroh, ki briew ki dang ïai leh pop; nalor ki kambah jong u, kim shym la shaniah ïa u.

MATHAÏOS 27:42

“U la pyllait im ïa kiwei, hynrei um lah ban pynim ïa lade! Hato um dei une u syiem ka Israel? Lada u la hiar noh mynta na ka diengphna, ngin ngeit ha u!

MARKOS 16:13

Ki la wan phai bad ki la ïathuh ha kiwei pat, hynrei kim shym la ngeit ïa kata.

MARKOS 16:14

Khatduh eh, U Jisu u la mihpaw ha ki khatwei ngut ki synran katba ki dang ïabam. U la kren tyngeh ïa ki, namar kim shym la don jingngeit bad namar ka jingmutlop palat ïa ka ban ngeit ïa kito kiba la lah ïohi ïa u ba u im.

LOUKAS 24:25

Nangta U Jisu u la ong ha ki, “Katno kiba bieit phi long, katno phi long kiba suki ban ngeit ïa kaei kaei baroh kaba ki nongïathuhlypa ki la ong!

ÏOANNIS 1:41

Mar kumta u la shem ïa u Simon, u para jong u bad u la ong ha u, “Ngi la shem ïa u Messaïah.” (Kane ka kyntien ka mut “U Khrist”.)

ÏOANNIS 20:27

Te u la ong ha u Thomas, “Buh ïa ka shynriah'ti jong me hangne, bad peit ïa ki kti jong nga; nangta kner ïa la ka kti bad buh ïa ka ha ka krung jong nga. Wat artatien shuh bad to ngeit!”

ÏOANNIS 21:7

U synran ïa uba U Jisu u ieit u la ong ha u Petros, “U dei U Trai!” Haba u Petros u la ïohsngew ba dei U Trai, u tap da ka jaiñ ïa la ka met (naba u la loit noh ïa la ki jaiñphong) bad u la ryngkoh shapoh um.

ÏOANNIS 6:30

Ki la phai ktien, “Ka kambah aïu men leh ba ngi lah ban ïohi ïa ka bad ngeit ha me? Kaei ba men leh?

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 3:18

Haba U Blei u la pynlong ïa ka jingkular bakyntang jong u, “Kin ym ïohrung da lei lei sha ka ri ha kaba ngan ai ïa ki ïa ka jingjahthait” — ïano u kren? Ïa kita kiba la ïaleh pyrshah.