ÏOANNIS 20:16 - Khasi CL Bible (BSI)

¹⁶ U Jisu u la ong ha ka, “Ko Mari!” Ka la phai sha u bad ka la ong ha ka ktien Hebru, “Rabboni!” (Kane ka mut “Ko Nonghikai!”.)

KA BAIBL

¹⁶ U Jisu u ong ha ka, “Wa Mari!” Ka, haba ka la phai, ka ong ha U ha ka ktien Hebru, “Wa Rabboni!” (kata ka ban ong, “Ko Nonghikai”).

ÏOANNIS 20:16 ပူးပေါင်းရင်းမြစ်များ

JENESIS 22:1

Hadien khyndiat por, U Blei u la tynjuh ïa u Abraham; u khot ïa u, “Abraham!” Bad u Abraham u jubab, “Oi, nga hangne!”

JENESIS 22:11

Hynrei u angel U Trai u pyrta ïa u na bneng, “Abraham, Abraham!” U jubab, “Ho-oid, nga hangne.”

JENESIS 45:12

U Joseph u bteng, “Mynta, phi baroh, bad phi ruh, Benjamin, phi ïohi ba nga dei shisha u Joseph uba kren ha phi.

EKSODOS 3:4

Haba U Trai u ïohi ba u Moses u wan kham hajan, u khot ïa u napdeng kata ka 'lawlynnong, bad u ong, “Moses! Moses!” U ruh u jubab, “Oi! Nga don hangne.”

EKSODOS 33:17

Te U Trai u la ong ha u Moses, “Ngan leh thik kumta kumba me la kyrpad, namar nga tip bha ïa me, bad nga sngewbha ïa me.”

JINGRWAI SOLOMON 3:4

Tang mar ïakhlad na ki, nga la shem ïa u. Nga la bat ïa u bad ngam shah ïa u ban leit tad ynda nga ïalam ïa u sha ka ïing i mei jong nga, sha ka kamra ha kaba la kha ïa nga.

JINGRWAI SOLOMON 5:2

Katba nga dang thiah, ka dohnud jong nga ka peitmat. Nga la phohsniew ba uba ieit jong nga u tied jingkhang. Shah ngan rung shapoh, ko ba-ieit jong nga, ko ba-ieit thep mynsiem jong nga, ko lyngdkhur jong nga. Ka khlieh jong nga ka jhieh da ka umjer, bad u shñiuh jong nga u sngem na u lyoh khyndew.

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

MATHAÏOS 14:27

U Jisu u la kren ha ki shisyndon. “To long shlur!” u la ong. “Dei ma nga. To wat sheptieng!”

MARKOS 10:51

“Kaei kaba me kwah ïa nga ban leh na ka bynta jong me?” U Jisu u la kylli ïa u. “Ko Nonghikai,” uta u briew uba matlah u la jubab, “Nga kwah ban ïoh imat biang.”

LOUKAS 10:41

U Trai u la jubab ïa ka, “Martha, Martha! Pha la khuslai bad pha la sngew jynjar halor bun kiei kiei,

ÏOANNIS 1:38

U Jisu u la phai, u la ïohi ïa ki ba ki bud ïa u, bad u la kylli, “Phi ïawad aïu?” Ki la jubab ïa u, “Hangno me sah, ko Rabbi?” (Kane ka kyntien ka mut “U Nonghikai”.)

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

ÏOANNIS 10:3

U nongap jingkhang u plie ïa ka jingkhang na ka bynta jong u; ki langbrot ki ïohsngew ïa ka sur jong u katba u dang khot ïa la ki langbrot da ka kyrteng, bad u ïalam ïa ki shabar.

ÏOANNIS 11:28

Hadien ba ka Martha ka la ong ïa kane, ka la leit noh bad ka la khot jar jar ïa ka Mari ka para jong ka, “U Nonghikai u don hangne,” ka la ïathuh ïa ka, “bad u phah khot ïa pha.”

ÏOANNIS 13:13

“Phi khot ïa nga ‘U Nonghikai’ bad ‘U Trai’, bad ka long kaba dei ba phi leh kumta, namar kata ka dei kaei kaba nga long.

ÏOANNIS 20:28

U Thomas u la jubab ïa u, “U Trai jong nga bad U Blei jong nga!”

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 5:2

Hajan ka Khyrdop Langbrot ha Jerusalem ka la don ka pungsum kaba don san tylli ki baranda; ha ka ktien Hebru la khot ïa ka, “ka Bethesda.”

ÏOANNIS 6:25

Haba ki briew ki la shem ïa U Jisu sha shiliang jong ka duriaw, ki la ong ha u, “Ko Nonghikai, mynno me la poi shane?”

KI KAM 10:3

Ka la long ha kawei ka sngi kumba lai baje nohphai sngi mynba u la ïoh ka jingïohipaw, ha kaba u la ïohi da kaba shai kdar ïa u angel jong U Blei uba wan shapoh bad ong ha u, “Kornelios!”

KI KAM 9:4

U la hap sha madan bad u la ïohsngew ïa ka sur kaba ong ha u, “Saul, Saul! Balei me pynshitom beiñ ïa nga?”

1 SAMUEL 3:10

Te U Trai u wan bad u ïeng hangta, bad u khot kum mynshuwa, “Samuel! Ko Samuel!” U Samuel u jubab, “To kren; u shakri jong me u shahshkor.”

1 SAMUEL 3:6

U Trai u khot biang ïa u Samuel. U khynnah um shym tip satia ba dei U Trai, namar U Trai um pat ju la kren bad u mynshuwa. Kumta u khie joit bad u leit sha u Eli, bad u ong, “Phi khot ïa nga, bad nga hangne.” Hynrei u Eli u jubab, “Khun jong nga, ngam shym khot ïa phi; khie leit thiah biang.”