ÏOANNIS 20:15 - Khasi CL Bible (BSI)

¹⁵ “Ko kynthei, balei pha ïam?” U Jisu u la kylli ïa ka, “Ïano pha wad?” Ka la nang pyrkhat ba u la dei u nongsumar kper, kumta ka la ong ha u, “Lada me la rah noh ïa u, ko kynrad, to ïathuh ïa nga hangno me la buh ïa u, bad ngan ïoh leit bad shim ïa u.”

KA BAIBL

¹⁵ U Jisu u ong ha ka, “Ko ka briew, balei pha ïam? ïano pha wad?” Ka te ba ka da mut ba u long u nongsumar kper, ka ïathuh ha u, “Ko Kynrad, lada la bah noh ma me ïa U, to ïathuh ha nga hangno me la buh ïa U, te ngan shim noh ïa U.”

ÏOANNIS 20:15 ပူးပေါင်းရင်းမြစ်များ

JINGRWAI SOLOMON 3:2

Nga la leit sakma kylleng ka nongbah, lyngba ki lynti bah bad ki lynti khim jong ka. Nga la khmih ïa uta uba nga ieit, nga la khmih, hynrei ngam shem ïa u.

JINGRWAI SOLOMON 6:1

Ko kaba bhabriew tam napdeng ki kynthei, shano uba ieit jong phi u la leit? To ïathuh ïa ngi na kano ka lynti uba ieit jong phi u leit, ba kumta ngi lah ban ïarap ïa phi ban shem ïa u.

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

MATHAÏOS 28:5

U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna.

MARKOS 16:6

“Wat sheptieng,” u la ong. “Nga tip ba phi ïawad ïa U Jisu uba na Nasareth, ïa uba la sahnarphna. Um don hangne — u la mihpat! Ha khmih, hangne ka jaka ha kaba ki la buh ïa u.

LOUKAS 2:44

Ki kmie ki kpa jong u kim tip shaphang kane; ki dang pyrkhat ba u la don lang bad ka kynhun, kumta ki la ïaleit lynti baroh shi sngi, bad nangta, ki la sdang ban wad ïa u hapdeng ki ba-ha-ïing bad ki paralok.

LOUKAS 24:5

Ha ka jingtieng bakhraw, kita ki kynthei ki la dem khrup ha khyndew, katba ki rangbah ki la ong ha ki, “Balei ba phi ïawad hapdeng kiba ïap ïa uta uba im?

ÏOANNIS 1:38

U Jisu u la phai, u la ïohi ïa ki ba ki bud ïa u, bad u la kylli, “Phi ïawad aïu?” Ki la jubab ïa u, “Hangno me sah, ko Rabbi?” (Kane ka kyntien ka mut “U Nonghikai”.)

ÏOANNIS 18:4

U Jisu u la tip ïa kaei kaei baroh ka ban sa jia ïa u, kumta u la tur sha khmat bad u la kylli ïa ki, “Ïano phi ïawad?”

ÏOANNIS 18:7

U Jisu u la kylli biang ïa ki, “Ïano phi ïawad?” “U Jisu uba na Nasareth,” ki la ong.

ÏOANNIS 20:13

“Ko kynthei, balei pha ïam?” ki la ïakylli ïa ka. Ka la jubab, “Ki la rah noh ïa U Trai jong nga, bad ngam tip shano ki la buh ïa u!”

1 SAMUEL 1:16

Wat ñiew ïa nga kum ka kynthei ka bymdondor ei ei. Nga duwai kumne namar ba nga sngew kordit sat ïa lade.”