ÏOANNIS 20:1 - Khasi CL Bible (BSI)

¹ Dang step phyrngab ha ka Sngi U Trai, katba ka dang dum, ka Mari ka nong Magdala ka la leit sha kata ka jingtep bad ka la ïohi ba ïa u mawkhang la weng noh na ka jingkhang ka jingtep.

KA BAIBL

¹ Te ha ka sngi nyngkong jong ka taïew, ka Mari ka nong Magdala ka la leit mynstep haba ka dang dum, sha kata ka jingtep; bad ka la ïohi ba la rah noh ïa uta u maw na kata ka jingtep.

ÏOANNIS 20:1 ပူးပေါင်းရင်းမြစ်များ

MATHAÏOS 27:56

Napdeng jong ki, ki long ka Mari ka nong Magdala, ka Mari ka kmie u Jakob bad u Josis bad ka tnga u Sebedi.

MATHAÏOS 27:60

bad u la buh ïa ka ha ka jingtep jong u hi, ïa kaba u dang phah tih shen na u mawsiang. Nangta u la pyntyllun ïa u maw uba heh na khmat ka jaka rung sha ka jingtep bad u la leit noh.

MATHAÏOS 27:64

To ai hukum, te, ba yn da ap phira biang biang ïa ka jingtep jong u tad haduh ka sngi kaba lai, khnang ba ki synran jong u kin ym lah ban leit ban tuh ïa ka met, bad nangta ban ïathuh ha ki briew ba u la mihpat na ka jingïap. Kane ka jinglamler kaba khatduh kan long kaba kham sniew ban ïa kaba nyngkong.”

MATHAÏOS 27:66

Kumta ki la mihnoh bad ki la pynskhem ïa ka jingtep da kaba buh ïa ka muhor halor u maw bad buh ïa ki nongap phira ban ap.

MATHAÏOS 28:1

Hadien ka sngi Sabbaton katba ka step Sngi U Blei ka dang kynjat shai, ka Mari ka nong Magdala, bad kawei pat ka Mari ki la leit ban khmih ïa ka jingtep.

MATHAÏOS 28:2

Kynsan kynsan la don ka jingkhih jumai kaba jur; u angel U Trai u la wan hiar na bneng, u la pyntyllun ïa u maw, bad u la shong halor jong u.

MARKOS 15:46

U Joseph u la thied ïa ka jaiñ linen, u la pynhiar ïa ka met shapoh, u la sop ïa ka da ka jaiñ, bad u la buh ïa ka ha ka jingtep ïa kaba la lah tih ha u mawsiang. Nangta u pyntyllun ïa u maw uba heh ha ka jaka rung jong ka jingtep.

MARKOS 16:9

Hadien ba U Jisu u la mihpat na ka jingïap dang step phyrngab ha ka Sngi U Trai, u la mihpaw nyngkong ha ka Mari ka nong Magdala, na kaba u la pynmih noh ïa ki hynñiew tylli ki ksuid.

ÏOANNIS 11:38

Haba la ktah jur sa shisien, U Jisu u la leit sha ka jingtep, kaba long ka krem ba la khang da u mawkhang.

ÏOANNIS 11:41

Ki la pyntyllun noh ïa uta u mawkhang. U Jisu u la khmied shajrong bad u la ong, “Nga ainguh ïa me, ko Kpa, ba me shahshkor ïa nga.

ÏOANNIS 19:25

Kiba la ïa-ïeng ha syndah ka diengphna U Jisu ki la long ka kmie jong u, ka para jong ka kmie jong u, ka Mari ka tnga u Kleopas, bad ka Mari ka nong Magdala.

ÏOANNIS 20:26

Shi taïew hadien ki synran ki la ïadon lang biang hapoh ïing, bad u Thomas u la don lem bad ki. Ïa ki jingkhang la khang skhem, hynrei U Jisu u la wan bad u la ïeng hapdeng jong ki bad u la ong, “To ka jingsuk kan long lem bad phi.”

KI KAM 20:7

Ha ka sngi nyngkong jong ka taïew ngi la ïalumlang na ka bynta ka jingïabam miet. U Paul u la kren ha ki paidbah bad u la ïai kren haduh shiteng synñia, namar ba un sa mihnoh ha ka sngi kaba bud.

1 KORINTH 16:2

Man la ka Sngi U Trai, uwei pa uwei na phi u dei ban buh kyrpang katto katne ka pisa, kat kum ka jingïoh, bad pynlang ïa ka, khnang ba yn ym da donkam ban lum ïa ka pisa ynda nga poi.

JINGPYNPAW 1:10

Ha ka sngi U Trai, U Mynsiem u la shim ïa nga, bad nga la ïohsngew ïa ka sur bajam, kaba sawa kum ka turoi, kaba kren na shadien jong nga.