ÏOANNIS 2:4 - Khasi CL Bible (BSI)

⁴ “Phim dei ban ong ïa nga ïa kaei ba ngan leh,” U Jisu u la jubab. “Ka por jong nga kam pat poi.”

KA BAIBL

⁴ U Jisu u ong ha ka, “Nga donkam aïu bad pha, ko ka briew? Ka por jong nga kam pat poi.”

ÏOANNIS 2:4 ပူးပေါင်းရင်းမြစ်များ

2 SAMUEL 16:10

“Kane kam dei ka kam jong me,” u syiem u ong ïa u Abishai bad ïa u Joab, u para jong u. “Lada u tim ïa nga namar ba U Trai u la ong ïa u, mano ba don hok ban kylli balei u leh ïa ka?”

2 SAMUEL 19:22

Hynrei u Dabid u ong ïa u Abishai bad ïa u Joab, u para jong u, “Mano ba pan ïa ka jingmut na phi? Hato phi thmu ban pynwit ïa nga? Mynta, nga dei ma nga u Syiem jong ka Israel bad ha kane ka sngi yn ym pynïap ïa uno uno ruh u Israel.”

1 SYIEM 17:18

Ka ong ha u Elijah, “A u briew jong U Blei, balei me leh ïa kane ha nga? Hato me wan hangne ban pynkynmaw ïa U Blei ïa ki pop jong nga bad pynjia ïa ka jingïap u khun jong nga?”

EKLESIASTIS 3:1

Baroh kaba jia ha kane ka pyrthei ka jia ha ka por kaba U Blei u jied.

MATHAÏOS 15:28

Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

MATHAÏOS 8:29

Shisyndon ki la lynñiar, “Me kwah aïu bad ngi, me U Khun jong U Blei? Hato me la wan ban pynshitom ïa ngi ha shuwa ka por kaba dei?”

LOUKAS 2:49

U la jubab ïa ki, “Balei ba phi dei ban wad ïa nga? Hato phim tip ba nga dei ban don ha ka ïing jong U Kpa jong nga?”

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 2:3

Haba ka waiñ ka la lut noh, ka kmie U Jisu ka la ong ïa u, “Kim don waiñ shuh.”

ÏOANNIS 20:13

“Ko kynthei, balei pha ïam?” ki la ïakylli ïa ka. Ka la jubab, “Ki la rah noh ïa U Trai jong nga, bad ngam tip shano ki la buh ïa u!”

ÏOANNIS 20:15

“Ko kynthei, balei pha ïam?” U Jisu u la kylli ïa ka, “Ïano pha wad?” Ka la nang pyrkhat ba u la dei u nongsumar kper, kumta ka la ong ha u, “Lada me la rah noh ïa u, ko kynrad, to ïathuh ïa nga hangno me la buh ïa u, bad ngan ïoh leit bad shim ïa u.”

ÏOANNIS 7:30

Te ki la pyrshang ban kem ïa u, hynrei ym don uba la ktah kti ïa u, namar ba ka kynta jong u kam pat poi.

ÏOANNIS 7:6

U Jisu u la ong ha ki, “Ka por kaba biang na ka bynta jong nga kam pat poi. Kano kano ka por na ka bynta ïa phi ka biang.

ÏOANNIS 7:8

Ma phi to nang ïaleit sha ka Jingkhawai Niam. Nga ngam leit sha kane ka Jingkhawai Niam, namar ba ka por kaba biang kam pat poi na ka bynta jong nga.”

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

DEUTERONOMI 33:9

Ki kham shaniah ïa me Ban ïa la ki kmie ki kpa, ki hynmen ki para, ne ki khun ki kti. Ki kohnguh ïa ki hukum jong me Bad ki ïaineh ha ka jutang jong me.