ÏOANNIS 2:24 - Khasi CL Bible (BSI)

²⁴ Hynrei U Jisu um shym la shaniah ïa lade ha ki, namar ba u la tip ïa ki baroh.

KA BAIBL

²⁴ Hynrei, U Jisu um shym la shaniah ïa lade ha ki, naba u hi u ithuh ïa ki baroh;

ÏOANNIS 2:24 ပူးပေါင်းရင်းမြစ်များ

1 SYIEM 8:39

To shahshkor ïa ki na ka ïing jong me ha bneng, map ïa ki, bad ïarap ïa ki. Tang ma me hi uba tip ïa ki jingmut jong ka dohnud briew.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

MATHAÏOS 9:4

U Jisu u la tip ïa kaei kaba ki pyrkhat, kumta u la ong, “Balei phi ïa-pyrkhat ïa kine kiei kiei kiba sniew?

MARKOS 2:8

Mar kumta hi U Jisu u la tip ïa kaei kaba ki dang ïa-pyrkhat, kumta u la ong ha ki. “Balei ba phi ïa-pyrkhat kum ïa kita kiei kiei?

ÏOANNIS 1:42

Te u la ïalam ïa u Simon sha U Jisu. U Jisu u la peit ïa u bad u la ong, “Ka kyrteng jong me ka long u Simon u khun jong u Jona, hynrei yn khot ïa me u Kephas.” (Kane ka long kumjuh kum ka kyntien “Petros” kaba mut “u mawsiang”.)

ÏOANNIS 16:30

Ngi tip mynta ba me tip ïa kiei kiei baroh; mem da donkam ba uno uno un kylli jingkylli ïa me. Kane ka pynlong ïa ngi ban ngeit ba me la wan na U Blei.”

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

ÏOANNIS 4:16

“Khie leit bad khot ïa u tnga jong pha,” U Jisu u la ong ïa ka, “bad sa wan biang.”

ÏOANNIS 5:42

Hynrei nga tip kiba kumno ki briew phi long, bad nga tip ba phim don ka jingieit ïa U Blei ha ki dohnud jong phi.

ÏOANNIS 6:15

U Jisu u la tip lypa ba kin sa wan bad kem ïa u khnang ban pynlong syiem ïa u da ka bor; kumta u la leit phai biang sha ki jaka lum marwei hi.

ÏOANNIS 6:64

Pynban don na phi ki bymngeit.” (U Jisu u la tip naduh kaba mynnyngkong kino ki dei kita ki ban ym ngeit bad uno na ki u ban shetkylla ïa u.)

KI KAM 1:24

Nangta ki la duwai, “A Trai, me tip ïa ki jingpyrkhat jong uwei pa uwei, kumta pyn-i ha ngi uno na kine ar ngut uba me la jied

KI KAM 15:8

Bad U Blei, uba tip ïa ki jingpyrkhat jong uwei pa uwei, u la pyn-i ïa ka jingmynjur ïa ki Jentil da kaba ai ïa U Mynsiem Bakhuid ha ki, kumba u la leh ha ngi.

DEUTERONOMI 31:21

bad shibun ki jingjynjar kiba ishyrkhei kin wan ngat ha ki. Hynrei ïa kane ka jingrwai yn dang ïai rwai, bad ka kan ïeng kum ka sakhi pyrshah ïa ki. Wat mynta hi, shuwa ba ngan ïalam ïa ki sha kata ka ri ba nga la kular ban ai ha ki, nga tip aïu ki pyrkhat.”

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”