ÏOANNIS 19:42 - Khasi CL Bible (BSI)

⁴² Te naba ka la long ka sngi shuwa ka Sabbaton bad namar ba ka jingtep ka don ha syndah, ki la buh ïa ka met U Jisu hangta.

KA BAIBL

⁴² hangta te, namar kata ka sngi Pynkhreh jong ki Jiw, naba kata ka jingtep ka don hajan, ki la ïabuh ïa U Jisu.

ÏOANNIS 19:42 ပူးပေါင်းရင်းမြစ်များ

SALM 22:15

Ka ryndang jong nga ka la tyrkhong kum ka khyndew, bad u thylliej jong nga u dambit ha ka bynta ba haneng ha ka shyntur jong nga. Me la ieh ïa nga ban ïap ha ka khyndew.

ISAÏAH 53:9

La buh ïa u ha ka jingtep lem bad ki bymman, la tep ïa u bad kiba riewspah, wat la um shym la leh kano kano ka kam bymman lane um shym la shukor ïano ïano.”

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

ÏOANNIS 19:14

Ka la long la jan shiteng sngi shuwa ka Jingkhawai Niam Ka Jinglait. U Pilat u la ong ha ki briew, “Une u syiem jong phi!”

ÏOANNIS 19:20

Shibun ki briew ki la pule ïa ka, namar ka jaka ha kaba la sahnarphna ïa U Jisu kam da jngai na ka nongbah. Ka jingthoh ka la long ha ki ktien Hebru, Latin bad Grik.

ÏOANNIS 19:31

Nangta ki nongsynshar jong ki Jiw ki la pan na u Pilat ban shah ïa ki ban pynkheiñ ïa ki kjat jong kita ki briew kiba la shah sahnarphna, bad ban pynhiar noh ïa ki met jong ki na ki diengphna. Ki la kyrpad ïa kane namar ba ka la dei ka Sngi Thohdieng, bad kim kwah ba ki met kin sah kumta ha ki diengphna ha ka sngi Sabbaton, naba ka sngi Sabbaton ka long kyrpang kaba khuid.

ÏOANNIS 19:41

Ka la don ka kper ha kata ka jaka ha kaba la pynïap ïa U Jisu, bad ha kata ka kper la don ka jingtep kaba thymmai ha kaba ym pat shym la tep ïano ïano.

KI KAM 13:29

Bad hadien ba ki la lah pyndep ïa kaei kaei baroh kaba ki Jingthoh Bakhuid ki ong shaphang jong u, ki la pynhiar noh ïa u na ka diengphna bad ki la buh ïa u ha ka jingtep.

1 KORINTH 15:4

ba la tep ïa u bad ba la pynmihpat ïa u hadien lai sngi, kumba la thoh ha ki Jingthoh Bakhuid;

KOLOSSAI 2:12

Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.