ÏOANNIS 19:4 - Khasi CL Bible (BSI)

⁴ U Pilat u la mih shabar sa shisien bad u la ong ha u paidbah, “Ha khmih, ngan wallam shabar ïa u hangne ha phi ba phin lah ban ïohi ba ngam lap daw ei ei ïa ka ban pynrem ïa u.”

KA BAIBL

⁴ Bad u Pilat u la mih noh shabar pat, bad u ong ha ki, “Ha khmih nga ïalam shabar ïa U ha phi, ba phin ïoh tip ba ngam shem ka jingpalat satia ha U.”

ÏOANNIS 19:4 ပူးပေါင်းရင်းမြစ်များ

MATHAÏOS 27:19

Katba u Pilat u dang shong ha ka kamra ïingbishar, ka tnga jong u ka la phah khubor sha u: “Wat leh ei ei ïa uta u briew uba lui lui, namar ba ha ka jingphohsniew hynne mynmiet nga la shahshitom shikatdei eh na ka bynta jong u.”

MATHAÏOS 27:24

Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”

MATHAÏOS 27:4

“Nga la leh pop da kaba nga shetkylla ïa u briew uba lui lui ban ïap!” u la ong. “Kan ïadei aïu kata bad ngi?” ki la jubab. “Kata ka dei ka kam jong me!”

MATHAÏOS 27:54

Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

LOUKAS 23:4

Nangta u Pilat u la ong ha ki rangbah lyngdoh bad ha ki paidbah, “Ngam shem kano kano ka daw ban pynrem ïa une u briew.”

LOUKAS 23:41

Ïa ngi, pynban, ka long kaba dei hok, namar ba ngi ïoh ïa kaei kaba ngi dei ban ïoh na ka bynta kaei kaba ngi la leh; hynrei, um shym la leh kano kano ka bym dei.”

LOUKAS 23:47

U rangbah shipai u la ïohi ïa kaei kaba la jia, bad u la ïaroh ïa U Blei, da kaba ong, “Da shisha u la long u briew uba bha!”

ÏOANNIS 18:33

U Pilat u la rung pat sha ka ïing bad u la khot ïa U Jisu. “Hato me long u syiem jong ki Jiw?” u la kylli ïa u.

ÏOANNIS 18:38

“Bad kaei kata ka jingshisha?” u Pilat u la kylli. Nangta u Pilat u la mihpat shabar sha ki paidbah bad u la ong ha ki, “Ngam lap kano kano ka daw ban pynrem ïa u.

ÏOANNIS 19:6

Haba ki rangbah lyngdoh bad ki nongap phira jong ka Templ ki la ïohi ïa u, ki la pyrta jam, “Sahnarphna ïa u! Sahnarphna ïa u!” U Pilat u la ong ha ki, “Shim noh ma phi ïa u, te, bad sahnarphna ïa u. Ngam lap daw ei ei ïa ka ban pynrem ïa u.”

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

1 PETROS 1:19

ka la long ka jingkñia kaba remdor jong U Khrist, uba la long kum u khunlangbrot uba khlem don jingthohbria lane jingduna.

1 PETROS 2:22

Um shym la leh pop, bad ym shym don mano mano ba la ïohsngew ïa ka jinglamler kaba mih na ki rmiang shyntur jong u.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.