ÏOANNIS 19:34 - Khasi CL Bible (BSI)

³⁴ Pynban uwei na ki shipai, u la dung da u sum jong u na ka krung jong U Jisu, bad mar kumta ka snam bad ka um ka la mih shabar.

KA BAIBL

³⁴ la kumta ruh, uwei na kita ki shipai u la sum ïa ka krung jong u da u sum, te kumne kumne ruh la mih noh ka snam bad ka um.

ÏOANNIS 19:34 ပူးပေါင်းရင်းမြစ်များ

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

MATHAÏOS 27:62

Ha ka sngi kaba bud, kaba dei ka sngi Sabbaton, ki rangbah lyngdoh bad ki Pharisi ki la ïakynduh ïa U Pilat

ÏOANNIS 19:33

Hynrei haba ki la wan sha U Jisu, ki la ïohi ba u la lah ïap lypa, kumta kim shym la pynkheiñ ïa ki kjat jong u.

ÏOANNIS 20:20

Hadien ba u la ong ïa kane, u la pyn-i ha ki ïa la ki kti bad ïa la ka krung. Ki synran ki la dap da ka jingkmen haba ki la ïohi ïa U Trai.

KI KAM 22:16

Bad mynta, balei me pyntud? To ïeng joit bad shah ba yn pynbaptis ïa me bad sait noh ïa ki pop jong me da kaba duwai sha u.’

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

EPHESOS 5:26

U la leh ïa kane ban pynkyntang ïa ka balang sha U Blei da ka ktien jong u, hadien ba la pynkhuid ïa ka da kaba sait ïa ka ha ka um, khnang ban aiti ïa ka balang sha lade hi, ha ka jingitynnat jong ka baroh — kaba khuid bad khlem shah kynnoh pop, khlem ka jingthohbria ne ka jingsti ne kano kano ka jingbymjanai.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 9:13

Ka snam jong ki blang bad ki masi kyrtong bad u dpei jong u masi lud la synreit halor ki briew ïa kiba la ñiew bymkhuid kat kum ka jinglehniam, bad kane ka pynkhuid ïa ki da kaba weng noh ïa ka jingbymkhuid katba kum ka jinglehniam.

HEBRU 9:22

Da shisha, kat kum ka Hukum, la jan baroh kiei kiei la pynkhuid da ka snam, bad ïa ki pop la map noh tang lada la theh ïa ka snam.

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,

1 ÏOANNIS 5:6

U Jisu Khrist u long uta uba la wan da ka um jong ka jingpynbaptis jong u bad ka snam jong ka jingïap jong u. U la wan ym tang da ka um, hynrei, da ka um bad ka snam ruh. Bad U Mynsiem da lade hi u phla ba kane ka long kaba shisha, namar U Mynsiem u long ka jingshisha.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.