ÏOANNIS 19:28 - Khasi CL Bible (BSI)

²⁸ U Jisu u la tip ba mynta la pyndep ïa kiei kiei baroh; bad khnang ban pynlong ïa ka Jingthoh Bakhuid ban urlong shisha, u la ong, “Nga sliang.”

KA BAIBL

²⁸ Hadien kane, haba U Jisu u tip ba la pyndep mynta ïa kiei kiei baroh, ba yn ïoh pyndep ïa Ka Jingthoh, u ong, “Nga sliang.”

ÏOANNIS 19:28 ပူးပေါင်းရင်းမြစ်များ

SALM 22:15

Ka ryndang jong nga ka la tyrkhong kum ka khyndew, bad u thylliej jong nga u dambit ha ka bynta ba haneng ha ka shyntur jong nga. Me la ieh ïa nga ban ïap ha ka khyndew.

SALM 69:21

Haba nga thngan, ki ai ha nga ka bih; haba nga sliang, ki ai ha nga ka sirka.

LOUKAS 12:50

Nga don ka jingpynbaptis ban ïohpdiang, bad katno nga sngewkhia mynsiem tad haduh ba kan da kut noh!

LOUKAS 18:31

U Jisu u la ïalam sharud ïa ki khat-ar ngut ki synran bad u la ong ha ki, “Ha sngap! Ngi ïaleit sha Jerusalem ha kaba ïa kaei kaei baroh kaba ki nongïathuhlypa ki la thoh shaphang U Khun U Briew kan urlong shisha.

LOUKAS 22:37

Naba nga ong ha phi ba ka Jingthoh Bakhuid kaba ong, ‘U la ïoh bynta ïa ka kupar jong kiba leh kam runar,’ ka dei ban urlong shisha shaphang jong nga, namar kaei kaba la thoh shaphang jong nga ka wan jia shisha.”

LOUKAS 9:31

kiba la paw ha ka burom ba kynja bneng bad ki la ïakren bad U Jisu shaphang ka rukom ha kaba shen un sa pyndep ïa ka jingthmu jong U Blei da kaba ïap ha Jerusalem.

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 18:4

U Jisu u la tip ïa kaei kaei baroh ka ban sa jia ïa u, kumta u la tur sha khmat bad u la kylli ïa ki, “Ïano phi ïawad?”

ÏOANNIS 19:24

Ki shipai ki la ong para ma ki, “To ngin ym tar pynkad ïa ka, to ngin ïakynting sbai ban shem mano ba ïoh ïa ka.” Kane ka la jia khnang ba ka Jingthoh Bakhuid kan urlong shisha: “Ki la pynïabynta ïa ki jaiñ jong nga hapdeng jong ki bad ki la ïakhalai ïa ka jaiñkup jong nga.” Kane ka long kaei kaba ki shipai ki la leh.

ÏOANNIS 19:30

U Jisu u la dih ïa kata ka waiñ bad u la ong, “La pyndep!” Nangta u la noh lyngngeh la ka khlieh bad u la ïap.

ÏOANNIS 19:36

Ïa kane la leh ban pynurlong ïa ka Jingthoh Bakhuid: “Yn ym pynkheiñ ïa kawei ruh na ki shyieng jong u.”

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

KI KAM 13:29

Bad hadien ba ki la lah pyndep ïa kaei kaei baroh kaba ki Jingthoh Bakhuid ki ong shaphang jong u, ki la pynhiar noh ïa u na ka diengphna bad ki la buh ïa u ha ka jingtep.